DE HUGUES III, DUC DE BOURGOGNE. 235 celle foys que il y fu, que quant li cheval aus Sarrazins avoient poour d'aucun bisson, lour maistre lour disoient << Cuides-tu, fesoient-il à lour chevaus, « que ce soit li roys Richars d'Angleterre ? » Et quant li enfant aus Sarrazinnes breoient, elles lour disoient: « Tay-toi, tay-toi, ou je irai querre le roy Richart, << qui te tuera 1. CIX. DE HUGUES III, DUC DE BOURGOGNE. DÉPÈNSES DE SAINT LOUIS A JAFFA. e 559. Lis dus de Bourgoingne, de quoy je vous ai parlei, fu mout bons chevaliers de sa main; mais il ne fu onques tenus pour saige ne à Dieu ne au siecle; et il y parut bien en ce fait devant dit. Et de ce dist li grans roys Phelippes, quant l'on li dist que li cuens Jehans de Chalon avoit un fil, et avoit à non Hugue pour le duc de Bourgoingne, il dist que Diex le feist aussi preu home come le duc pour cui il avoit non Hugue. 560. Et on li demanda pourquoy il n'avoit dit aussi preudome: « Pour ce, fist-il, que il a grant difference << entre preu home et preudome. Car il a mainz preus << homes chevaliers en la terre des crestiens et des << Sarrazins, qui onques ne crurent Dieu ne sa «Mere. Dont je vous di, fist-il, que Diex donne grant 1. Voy. 8 77. << don et grant grace au chevalier crestien que il << seuffre estre vaillant de cors, et que il seuffre en << son servise en li gardant de pechié mortel; et celi << qui ainsi se demeinne doit l'on appeler preudome, « pour ce que ceste proesse li vient dou don Dieu. Et «< ceus de cui j'ai avant parlei puet l'on appeler preuz « homes, pour ce que il sont preu de lour cors, et << ne doutént Dieu ne pechié. » Ch 561. Des grans deniers que li roys mist à fermer Jaffe ne couvient-il pas parler, que c'est sanz nombre; car il ferma le bourc dès l'une des mers jusques à l'autre, là où il ot bien vint quatre tours; et furent li fossei curei de lun dehors et dedans. Trois portes y avoit, dont li legas en fist l'une, et un pan dou mur. 562. Et pour vous moustrer le coustaige que li roys i mist, vous faiz-je à savoir que je demandai au legat combien celle porte et cis pans dou mur li avoient coustei; et il me demanda combien je cuidoie qu'elle eust coustei; et je esmai que la porte que il avoit fait faire li avoit bien couştei cinq cens livres, et li pans dou mur trois cens1 livres. Et il me dist que (si Diex li aidast) que la porte que li pans li avoient bien coustei trente mille livres. 1. En substituant cinq mille à cinq cens et trois mille à trois cens, ou diminuerait l'écart signalé par M. Paris entre l'évaluation de Joinville et la somme de trente mille livres. A DÉPART DU ROI POUR SAYETTE. 237 CX. DÉPART DE SAINT LOUIS POUR SAYETTE; PÈLE- UN DE SES CHEVALIERS. ef. 563. Quant li roys ot assouvie la forteresse dou bourc de Jaffe, il prist consoil que il iroit refermer la citei de Sayete, que li Sarrazin avoient abatue. Il s'esmut pour aler là le jour de la feste des apostres saint Pere et saint Pol', et just li roys et ses os devant le chastel d'Arsur, qui mout estoit forz. Celi soir appela li roys sa gent, et lour dist que se il s'acordoient, que il iroit penre une citei des Sarrazins que on appele Naples, laquel citei les anciennes escriptures appelent Samarie. 564. Li temples et li Ospitaus et li baron dou païs li respondirent d'un acort, qui il estoit bon que l'on y essaiast à penre la citei; mais il ne s'acorderoient jà que ses cors y alast, pour ce que se aucune chose avenoit de li, toute la terre seroit perdue. Et il dist que il ne les y lairoit jà aler, se ses cors n'i aloit avec. Et pour ce demoura celle emprise, que li signour terrier ne s'i voudrent acorder que il y alast. 565. Par nos journées, venimes ou sablon d'Acre, là où li roys et li os nous lojames. Illec au lieu vint à moy uns grans peuples de la Grant Hermenie3, qui aloit en pelerinaige en Jerusalem, par 1. Le 29 juin 1253. 2. Naples ou Naplouse répond à Sichem, capit. du pays de Samarie. 4 |
