XCIII. COMMENT LES TARTARES CHOISIRENT UN CHEF POUR S'AFFRANCHIR DU PRÊTRE JEHAN ET DE L'EMPEREUR DE PERSE. 471. Aussi comme je vous diz devant, tandis que li roys sejornoit en Cypre, vindrent li messaige des Tartarins à li, et li firent entendant que il li aideroient à conquerre le royaume de Jerusalem sur les Sarrazins. Li roys lour renvoia ses messaiges, et par ses messaiges, que il lour envoia, lour envoia une chapelle que il lour fist faire d'escarlate (et pour aus atraire à nostre creance, il lour fist entaillier, en la chapelle, toute nostre creance', l'Annonciation de l'angre, la Nativitei, le Bauptesme dont Diex fu baptiziez, et toute la Passion et l'Ascension et l'Avenement dou SaintEsperit); calices, livres, et tout ce que il couvint à messe chanter, et dous freres Preescheours pour chanter les messes devant aus. 472. Li messagier le roy ariverent au port d'Anthyoche; et dès Anthyoche jusques à lour grant roy trouverent bien un an d'aleure, à chevauchier dix lieues le jour. Toute la terre trouverent sougiette à aus, et plusours citez que il avoient destruites, et grans monciaus d'os de gens mors. 473. Il enquistrent comme il estoient venu en tel auctoritei, par quoy il avoient tant de gens mors et 1. Voy. 134. LES TARTARES AFFRANCHIS DU SERVAGE. 199 confondus; et la maniere fu teix, aussi comme il le raporterent au roy que il estoient venu et conereei d'une grant berrie de sablon, là où il ne croissoit nul bien. Cette berrie commençoit à unes très-grans roches merveillouses, qui sont en la fin dou monde devers Orient, lesquiex roches nulz hons ne passa onques, si comme li Tartarin le tesmoignent; et disoient que leans estoit enclos li peuples Got et Margoth1, qui doivent venir en la fin dou monde, quant Antecriz venra pour tout destruire. 474. En celle berrie estoit li peuples des Tartarins, et estoient sougiet à prestre Jehan et à l'empereur de Perce3, cui terre venoit après la seue, et à plusours autres roys mescreans, à cui il rendoient treu et servaige chascun an, pour raison dou pasturaige de lour bestes; car il ne vivoient d'autre chose. Cis prestres Jehans et li emperieres de Perce, et li autre roy, tenoient en tel despit les Tartarins, que quant il lour aportoient lour rentes, il ne les vouloient recevoir devant aus, ains lour tournoient les dos. 475. Entre aus out un saige home qui cercha toutes les berries, et parla aus saiges homes des berries et des lieus, et lour moustra le servaige là où il estoient, 1. Dans l'Ecriture sainte, Gog et Magog. 2. Le nom de prétre Jean désigne un prince d'Asie, chrétien nestorien, qui fut détrôné par GengisKhan. 3. Le prince appelé ici empereur de Perse, est le roi du Khar sim, Mohammed, et après lui, son fils, vaincus l'un et l'autre par Gengis-Khan. A la suite de ces catastrophes les Kharismins ou Corasmins, chassés de Perse, s'avancèrent en Syrie, où ils remportèrent en 1244 une grande victoire sur les chrétiens. (Voy. 8 528 et 537.) et lour pria à touz que il meissent consoil comment il ississent dou servaige là où on les tenoit. Tant fist que il les assembla trestous ou chief de la berrie, endroit la terre prestre Jehan, et lour moustra ces choses; et il li respondirent que il devisast, et il feroient. Et il dist ainsi, que il n'avoient pooir de esploitier se il n'avoient un roy et un signour sur aus; et il lour enseigna la maniere comment il averoient roy, et il le creurent. 476. Et la maniere fu teix, que de cinquante-dous generacions que il y avoit, chascune generacions li aportast une saiete qui fussent seignies de lour nons; et par l'acort de tout le peuple, fu ainsi acordei que l'on meteroit ces cinquante-dous devant un enfant de cinc ans; et celle que li enfes penroit premier, de celle generacion feroit l'on roy. Quant li enfes ot levée une des seetes, li saiges hons fist traire ariere toutes les autres generacions; et fu establi en tel maniere, que la generacions dont l'on devoit faire roy, esliroient entre lour cinquante-dous des plus saiges homes et des meillours que il averoient. Quant il furent esleu, chascuns y porta une saiete seignie de son non. 477. Lors fu acordei que la saiete que li enfes leveroit, de celle feroit l'on roy. Et li enfes en leva une, d'icelui saige home qui ainsi les avoit enseigniez; et Ti peuples en furent si lié que chascuns en fist grant joie. Il les fist taire, et lour dist : « Signour, se vous « voulez que je soie vostre roys, vous me jurerez « par Celi qui a fait le ciel et la terre, que vous |
