Imatges de pàgina
PDF
EPUB

XLII. UNE ATTAQUE DES SARRASINS EST REPOUSSÉE.

1

198. Scecedins, que je vous ai devant nommei (li chievetains des Turs), si estoit li plus prisiés de toute la paennime. En sa baniere portoit les armes l'empereour qui l'avoit fait chevalier. Sa baniere estoit bandée: en l'une des bandes estoient les armes l'empereour qui l'avoit fait chevalier; en l'autre estoient les armes le soudanc de Halape; en l'autre bande estoient les au soudanc de Babiloine

199. Ses nons estoit Secedin le fil seic; ce vaut autant à dire comme le vieil le fil au vieil. Celuy non tenoient-il à mout grant chose en la paiennime; car ce sont les gens ou monde qui plus honneurent gens anciennes, puis que il est ainsi que Diex les ait gardés de vilain reproche jusques en lour vieillesce. Secedins, cis vaillans Turs, aussi comme les espies le roy le raporterent, se vanta que il mangeroit, le jour de la feste de saint Sebastien, es paveillons le roy.

200. Li roys, qui sot ces choses, atira son host en tel maniere que li cuens d'Artois, ses freres, garderoit les chaz et les engins; li roys et li cuens d'Anjou, qui puis fu roys de Secile, furent establi à garder l'ost par devers Babiloinne; et li cuens de Poitiers, et nous de Champaigne, garderiens l'ost par devers Damiete. Or avint ainsi que li princes des Turs devant nommez fist passer sa gent en l'ille qui est entre le flum de

1. Frédéric y.

[merged small][merged small][merged small][merged small][merged small][merged small][merged small][merged small][merged small][merged small][merged small][ocr errors]
[blocks in formation]

Damiete et le flum de Rexi, là où nostre os estoit logiez; et fist rangier ses batailles dès l'un des fleuves jusques à l'autre.

201. A celle gent assembla li roys de Sezile et les desconfist. Mout en y ot de noiez en l'un fleuve et en l'autre; et toutes voies en demoura il grant partie ausquiex on n'osa assembler, pour ce que li engin des Sarrasins getoient parmi les dous fleuves. A l'assembler que li roys de Sezile fist aus Turs, li cuens Guis de Forez tresperça l'ost des Turs à cheval, et assembla il et sui chevalier à une bataille de Sarrazins serjans qui le porterent à terre; et ot la jambe brisie, et dui de ses chevaliers le ramenerent par les bras. A grant peinne firent traire le roy de Sezile dou peril là où il estoit, et mout fu prisiez de celle journée.

202. Li Turc vindrent au conte de Poitiers et à nous, et nous lour courumes sus et les chassames grant piesce; de lour gens y ot occis et revenimes sanz perdre.

XLIII. LE FEU GRÉGEOIS LANCE CONTRE
LES CHATS-CHATEAUX.

203. Un soir avint, là où nous guietiens les chaschastiaus de nuit, que il nous avierent un engin que l'on appele perriere1, ce que il n'avoient encore fait,

1. Cet engin, comme son nom l'indique, servait ordinairement à lancer des pierres; mais les Sarra

sins l'employèrent alors à lancer le feu grégeois. Joinville en reparle plus loin (88 209 et 213).

et mistrent le feu gregoiz en la fonde de l'engin Quant mes sires Gautiers d'Escuiré, li bons chevaliers, qui estoit avec moy, vit ce, il nous dist ainsi :

204. « Signour, nous sommes ou plus grant peril « que nous fussiens onques mais; car se il ardent << nos chastiaus et nous demourons, nous sommes << perdu et ars; et se nous lessons nos deffenses que <«<l'on nous a baillies à garder, nous soumes honni; « dont nulz de cest peril ne nous puet deffendre, fors << que Dieu. Si vous lo et conseil que toutes les foiz << que il nous geteront le feu, que nous nous metons à «coutes et à genouz, et prions_Nostre Signour que il <<nous gart de ce peril. >>

205. Si tost comme il geterent le premier cop, nous nous meismes à coutes et à genouz, ainsi comme il nous avoit enseignié. Li premiers cos que il jeterent vint entre nos dous chas-chastiaus, et chaï en la place devant nous que li os avoit faite pour bouchier le fleuve. Nostre esteingnour furent appareillié pour estaindre le feu; et pour ce que li Sarrazin ne pooient traire à aus, pour les dous eles des paveillons que li roys y avoit fait faire, il traioient tout droit vers les nues, si que li pilet lour cheoient tout droit vers aus.

206. La maniere dou feu gregois estoit teix que il venoit bien devant aussi gros comme uns tonniaus de verjus, et la queue dou feu qui partoit de li, estoit bien aussi grans comme uns grans glaives. Il faisoit tel noise au venir, que il sembloit que ce fust la foudre dou ciel; il sembloit un dragon qui volast par l'air.

« AnteriorContinua »