st divers de toutes autres rivieres; car quant plus iennent les autres rivieres aval, et plus y chiéent de petites rivieres et de petiz ruissiaus; et en ce flum 'en chiet nulles: ainçois avient ainsi que il vient louz en un chanel jusques en Egypte, et lors giete de, li sept branches, qui s'espandent parmi Egypte.

188. Et quant ce vient après la saint-Remy, les sept rivieres s'espandent par le païs et cuevrent les terres pleinnes; et quand elles se retraient, li gaainnour vont chascuns labourer en sa terre à une charrue sanz rouelles, de quoy il tornent dedans la terre les fourmens, les orges, les comminz, le ris; et vienLent si bien que nulz n'i sauroit qu'amander. Ne ne sait l'on dont celle creue vient, mais que de la volentei Dieu; et se ce n'estoit, nul bien ne venroient ou païs, pour la grant chalour dou soleil qui arderoit tout, pour ce que il ne pluet nulle foiz ou pays. Li fluns est touzjours troubles; dont cil dou païs qui boire en vuelent, vers le soir le prennent, et esquachent quatre amendes ou quatre feves; et l'endemain est si bone à hoire que riens n'i faut.

189. Avant que li fluns entre en Egypte, les gens qui ont acoustumei à ce faire, gietent lour roys desliées parmi le flum au soir; et quant ce vient au matin, si treuvent en lour royz cel avoir de poiz que l'on aporte en ceste terre, c'est à savoir gingimbre, ubarbe, lignaloey et canele. Et dit l'on que ces

1. Correction conseillée par M. laris au lieu de lignaloecy; la

forme la plus ordinaire de ce mo! est lignaloe.

choses viennent de Paradis terrestre; que li venz abat des arbres qui sont en Paradis, aussi comme li venz abat en la forest en cest païs le bois sec; et ce qui chiet dou bois sec ou flum, nous vendent li marcheant en ce païz. L'yaue dou flum est de tel nature, que quant nous la pendiens (en poz de terre blans que l'en fait ou païs) aus cordes de nos paveillons, l'yaue devenoit ou chaut dou jour aussi froide comme de fonteinne.

190. Il disoient ou païs que li soudans de Babiloine avoit mainte foiz essaié dont li fluns venoit ; et y envoioit gens qui portoient une maniere de pains que l'on appelle becuis, pour ce que il sont cuit par dous foiz; et de ce pain vivoient tant que il revenoient arieres au soudanc. Et raportoient que il avoient cerchié le flum, et que il estoient venu à un grant tertre de roches taillies, là où nulz n'avoit pooir de monter. De ce tertre cheoit li fluns; et lour sembloit que il Ꭹ eust grant foison d'arbres en la montaigne en haut; et disoient que il avoient trouvei merveilles de diverses bestes sauvaiges et de diverses façons, lyons, serpens, oliphans, qui les venoient regarder dessus la riviere de l'yaue, aussi comme il aloient en amont.

191. Or revenons à nostre premiere matiere, et di— sons ainsi que quant li fluns vient en Egypte, il giete sept branches aussi comme je ai jà dit devant. L'une de ses branches va en Damiete, l'autre en Alixandre,

1. Je suis l'indication de M. Paris en mettant sept au lieu de ses