Imatges de pàgina
PDF
EPUB

vers de ses armes, à nos ennemis, pour ce que le plus des Sarrazins estoient montei sur jumens; et pour ce trait li chevaus aus Sarrazins.

175. Et nous conterent cil qui le virent que quatre Turc vindrent par le signour Gauchier, qui se gisoit par terre; et au passer que il fesoient par devant li, li donnoient grans cos de lour maces là où il gisoit. Là le rescourent li connestables de France et plusour des sergens le roy avec li, qui le ramenerent par les bras jusques à son paveillon. Quant il vint là, il ne pot parler; plusour des cyrurgiens et des phisiciens de l'ost alerent à li; et pour ce que il lour sembloit que il n'i avoit point de peril de mort, il le firent seignier des dous bras.

176. Le soir, tout tart, me dist mes sires Aubers de Narcy que nous l'alissiens veoir, pour ce que nous ne l'aviens encore veu, et estoit hom de grant non et de grant valour. Nous entrames en son paveillon, et ses chamberlans nous vint à l'encontre pour ce que nous alissiens belement, et pour ce que nous ne esveillissiens son maistre. Nous le trouvames gisant sus couvertours de menu vair, et nous traimes tout souef vers li, et le trouvames mort. Quant on le dist au roy, il respondi que il n'en vourroit mie avoir tiex mil, puis que il ne vousissent ouvrer de son commandement, aussi comme il avoit fait.

1. Le plus est un sujet neutre.
2. Sur les imparfaits alissiens

et esveillissiens, voyez une note au 113.

[ocr errors][merged small]

NOUVELLES ATTAQUES DES SARRASINS.

117

75

XXXVIII. NOUVELLES ATTAQUES DES SARRASINS; LE ROI SE DÉCIDE A ATTENDRE L'ARRIVÉE DU COMTE DE POITIERS.

177. Li Sarrazin à pié entroient toutes les nuiz en l'ost, et occioient les gens, là où il les trouvoient dormans dont il avint que il occistrent la gaite au signour de Courtenay, et le lessierent gisant sur une table, et li coperent la teste et l'emporterent. Et ce firent-il pour ce que li soudans donnoit de chascune teste des chrestiens un besant d'or.

178. Et ceste persecucions avenoit pour ce que les batailles guetoient, chascune à son soir, l'ost à cheval; et quant li Sarrazin vouloient entrer en l'ost, il atendoient tant que les fraintes des chevaus et des batailles estoient passées; si se metoient en l'ost par darieres les dos des chevaus, et rissoient avant que jours fust. Et pour ce ordena li roys que les batailles qui soloient guietier à cheval, guietteroient à pié; si que touz li os estoit asseurs de nos gens qui guietoient, pour ce que il estoient espandu en tel maniere que li uns touchoit à l'autre.

179. Après ce que ce fu fait, li roys ot consoil que il ne partiroit de Damiete, jusques à tant que ses freres li cuens de Poitiers seroit venus, qui amenoit l'ariereban de France. Et pour ce que li Sarrazin ne se ferissent par mi l'ost à cheval, li roy fist clorre tout l'ost de grans fossés; et sus les fossés gaitoient arbelestrier,

touz les soirs, et serjant, et aus entrées de l'ost aussi.

180. Quant la saint Remy fu passée, que on n'oy nulles nouvelles dou conte de Poitiers (dont li roys et tuit cil de l'ost furent à grant mesaise, car il doutoient que aucuns meschiez ne li fust avenus), lors je ramentu le legat comment li diens de Malrut nous avoit fait faire trois processions en la mer, par trois samedis; et devant le tiers samedi nous arivames en Cypre1. Li legas me crut et fist crier les trois processions en l'ost par trois samedis.

181. La premiere procession commença en l'ostel dou legat, et alerent au moustier Nostre-Dame en la ville; liquex moustiers estoit fais en la mahommerie des Sarrazins, et l'avoit li legas dedié en l'onnour de la Mere Dieu. Li legas fist le sermon par dous samedis. Là fu li roys, et li riche homme de l'ost, ausquiex li legas donna grant pardon.

182. Dedans le tiers samedi yint li cuens de Poitiers, et ne fu pas mestier que il fust avant venus; car dedans les trois samedis fu si grans baquenas en la mer devant Damiete, que il y ot bien douze vins vessiaus, que grans que petiz, brisiez et perdus, atout les gens qui estoient dedans, noyez et perdus. Dont, se li cuens de Poitiers fust avant venus, et il et sa gent eussent estei tuit confondu.

183. Quant li cuens de Poitiers fu venus, li roys manda touz ses barons de l'ost, pour savoir quel voie

1. Voy. 2 129.

« AnteriorContinua »