Imatges de pàgina
PDF
EPUB

e devant dancers.

[merged small][ocr errors][merged small][merged small]

LES CROISÉS DÉBARQUENT.

XXXIV. LES CROISÉS DÉBARQUENT EN FACE

DES SARRASINS.

67

157. Mes sires Baudouins de Reims, uns preudom qui estoit descendus à terre, me manda par son escuier que je l'atendisse; et je li mandai que si feroie-je mout volentiers, que teix preudom comme il estoit devoit bien estre atendus à un tel besoing; dont il me sot bon grei toute sa vie. Avec li nous vindrent mi1 chevalier; et soiés certains que quant je arivai, je n'oz ne escuier, ne chevalier, ne varlet que je eusse amenei avec moy de mon pays; et si ne m'en lessa pas Diex à aidier.

158. A nostre main senestre, ariva li cuens de Japhe, qui estoit cousins germains le conte de Monbeliart, et dou lignaige de Joinville 2. Ce fu cil qui plus noblement ariva; car sa galie ariva toute peinte, dedens mer et ` dehors, à escussiaus de ses armes, lesquex armes sont d'or à une croiz de gueules patée. Il avoit bien trois cens nageours en sa galie, et à chascun de ses nageours avoit une targe de ses armes, et à chascune targe avoit un pennoncel de ses armes batu à or.

159. Endementieres que il venoient, il sembloit que la galie volast, par les nageours qui la contreingnoient aus avirons; et sembloit que foudre cheist

1. Au lieu de mille; c'est à M. Paris qu'est due cette excellente correction.

2. Jean d'Ibelin, seigneur de Ba

ruth et comte de Jaffa, fils de Balian d'Ibelin et d'Eschive de Montbéliard, était, selon du Cange, allié par les femmes à la famille de Joinville.

des ciex, au bruit que li pennoncel menoient, et que li nacaire, li tabour et li cor sarrazinnois menoient, qui estoient en sa galie. Si tost comme la galie fu ferue ou sablon si avant comme l'on l'i pot mener, et il et sui chevalier saillirent de la galie moult bien armei et moult bien atirié, et se vindrent arangier decoste nous. 160. Je vous avoie oublié à dire que, quant li cuens de Japhe fu descendus, il fist tantost tendre ses trez et ses paveillons; et si tost comme li Sarrazin les virent tendus, ils se vindrent tuit assembler devant nous, et revindrent ferant des esperons, ainsi comme pour nous courre sus; et quant il virent que nous ne fuiriens pas, il s'en ralerent tantost arieres.

161. A nostre main destre, bien le trait à une grant arbalestrée, ariva la galie là où l'enseigne SaintDenis estoit. Et ot un Sarrazin, quant il furent arivei, qui se vint ferir entre aus, ou pour ce que il ne pot son cheval tenir, ou pour ce que il cuidoit que li autre le deussent suivre; mais il fu touz decopez.

XXXV. SAINT LOUIS PREND POSSESSION DE DAMIETTE.

162. Quant li roys oy dire que l'enseigne SaintDenis estoit à terre, il en ala grant pas par mi son vessel, ne onques pour le legat qui estoit avec li, ne la vout lessier, et sailli en la mer, dont il fu en yaue jusques aus esseles. Et ala l'escu au col, et le heaume en la teste, et le glaive en la main, jusques à sa gent

[merged small][merged small][merged small][ocr errors][merged small][merged small][merged small][merged small][merged small][merged small][merged small][merged small][merged small][merged small][merged small][merged small][merged small]
« AnteriorContinua »