DU SOUDAN D'ICONIUM. 61 bien cinq cens livres ; et li manda li roys de Hermenie que uns ferrais au soudanc dou Coyne li avoit donnei. Ferrais est cil qui tient les paveillons au soudanc et qui li nettoie ses maisons. 143. Li roys d'Ermine, pour li delivrer dou servaige au soudanc dou Coine, en ala au roy des Tartarins, et se mist en lour servaige pour avoir lour aide; et amena si grant foison de gens d'armes que il ot pooir de combattre au soudanc dou Coyne. Et dura grant piece la bataille, et li tuerent li Tartarin tant de sa gent que l'on n'oy puis nouvelles de li. Pour la renommée, qui estoit grans en Cypre, de la bataille qui devoit estre, passerent de nos gens serjans en Hermenie pour gaaingnier et pour estre en la bataille; ne onques nulz d'aus n'en revint. 144. Li soudans de Babiloinne, qui atendoit le roy qu'il venist en Egypte au nouvel temps, s'apensa que il iroit confondre le soudane de Hamant, qui estoit ses ennemis mortex, et l'ala assegier dedans la citer de Hamant. Li soudans de Hamant ne se sot comment chevir dou soudanc de Babiloinne; car il veoit bien que se il vivoit longuement, que il le con barca fonderoit. Et fist tant barguignier au ferrais le soudanc de Babiloinne, que li ferrais l'empoisonna. 145. Et la maniere de l'empoisonnement fu teix, que li ferrais s'avisa que li soudans venoit touz jours jouer aus eschez, après relevée, sus les nates qui es.. toient au pié de son lit; laquel natte sur quoy il sot que li soudans s'asseoit touz les jours, il l'envenima. Or avint ainsi que li soudans, qui estoit deschaus, se tourna sus une escorcheure que il avoit en la jambe. Tout maintenant li venins se feri ou vif, et li tolli tout le pooir de la moitié dou cors de celle part dont il estoit entrez; et toutes les foys que li venins le poignoit vers le cuer, il estoit bien dous jours qu'il ne bevoit, ne ne manjoit, ne ne parloit. Le soudanc de Hamant lessierent en paiz, et le menerent sa gent en Egypte. XXXII. DÉPART DE CHYPRE EN 1249. 146. Maintenant que mars entra, par le commandement le roy, li roys et li baron et li autre pelerin commanderent que les neis refussent chargies1 de vins et de viandes, pour mouvoir quant li roys le commanderoit. Dont il avint ainsi que quant li rois vit que la chose fu bien arée, li roys et la royne se requeillirent 1. Nous dirions fussent rechargées; on voit que le préfixe itératif re pouvait se détacher du verbe principal pour être rattaché à l'auxiliaire. On pouvait écrire chargies au lieu de chargiées. DÉPART DE CHYPRE EN 1249. 63 en lour neis le vendredi1 devant Penthecouste; et dist li roys à ses barons que il, alassent après li en lour neis droit vers Egypte. Le samedi fist li roys voile, et tuit li autre vessel aussi, qui mout fu belle chose à veoir; car il sembloit que toute la mers, tant comme l'on pooit veoir à l'ueil, fust couverte de touailles, des voiles des vessiaus, qui furent nombrei à dix-huit cens vessiaus, que granz que petiz. 147. Li roys ancra ou bout d'un tertre que l'on appele la pointe de Limeson, et tuit li autre vessel entour li. Li roys descendi à terre, le jour de la Penthecouste.. Quant nous eumes oy la messe, uns venz griez et forz, qui venoit de vers Egypte, leva en tel maniere que de dous mille et huit cens chevaliers que li roys mena en Egypte, ne l'en demoura que sept cens que li venz ne les eust dessevrés de la compagnie le roy, et menez en Acre et en autres terres estranges, qui puis ne revindrent au roy de grant piece. 148. L'andemain de la Penthecouste, li venz fu cheus; li roys et nous qui estiens avec li demourei, si comme Diex vout, feismes voile derechief, et encontrames le prince de la Morée et le duc de Bourgoingne, qui avoit sejournei en la Morée. Le jeudi après la Penthecouste, ariva li roys devant Damiette, et trouvames là tout le pooir dou soudanc sur la rive de la mer, mout beles gens à regarder; car li soudans porte les armes d'or, là où li solaus feroit, qui fesoit 1. Le 21 mai 1249. 2 Fút couverte de serviettes, à cause des voiles. Le sens propre de touaille est servielle. |