sourre pour venir à Damiete, ses consaus li loa, si comme l'on me donna à entendre, que il s'en venist à Damiete en galies. Et cis consaus li fu donnez, si comme l'on dit, pour ce que, se il li mescheoit de sa gent, par son cors les peust delivrer de prison. 1 il estoit par plusours ma 10. Et especialment cis consaus li fu donnez pour le meschief de son cors où ladies qui estoient teix, car il avoit double tierceinne et menoison mout fort, et la maladie de l'ost en la bouche et es jambes. Il ne vout onques nullui croire ; ainçois dist que son peuple ne lairoit-il jà, mais feroit tel fin comme il feroient. Si li en avint ainsi, que par la menoison qu'il avoit, que il li couvint le soir couper le font de ses braies, et par la force de la maladie de l'ost se pasma-il le soir par plusours foiz, aussi comme vous orrez ci-après 2. 11. La tierce foiz qu'il mist son cors en avanture de mort, ce fu quant il demoura quatre ans en la sainte Terre, après ce que sui frere en furent venu 3. En grant avanture de mort fumes lors; car quant li roys fu demourez en Acre, pour un home à armes que il avoit en sa compaignie, cil d'Acre en avoient bien trente, quant la ville fu prise *. 12. Car je ne sai autre raison pour quoy li Turc ne nous vindrent penre en la ville, fors que pour l'amour que Diex avoit au roy, qui la poour metoit ou cuer à 1. Telles que. 2. Voy. 306. 3. Voy. 8 442. 4. Les chrétiens d'Acre, quand la ville fut prise par les Sarrasins en 1291. EXEMPLES DU DÉVOUEMENT DE SAINT LOUIS. 5 nos ennemis, pour quoy il ne nous osassent venir courre sus. Et de ce est escrit : «Se tu creins << Dieu, si te creindront toutes les riens qui te ver<<ront. » Et ceste demourée fist-il tout contre son consoil, si comme vous orrez ci-après. Son cors mist-il en avanture pour le peuple de la terre garantir, qui eut estei perdus dès lors se il ne se fust lors remez. 13. Li quarz faiz là où il mist son cors en avanture de mort, ce fu quant nous revenismes d'outremer et venismes devant l'ille de Cypre, là où nostre neiz hurta si malement que la terre là où elle hurta, enporta trois toises dou tyson sur quoy nostre neiz estoit fondée 1. 14. Après ce, li roys envoia querre quatorze maistres nothonniers, que de celle neif que d'autres qui estoient en sa compagnie, pour li conseillier que il feroit. Et tuit li loerent, si comme vous orrez ciaprès, que il entrast en une autre neif; car il ne veoient pas comment la neiz peust soufrir les cos des ondes, pour ce que li clou de quoy les planches de la neif estoient atachies estoient tuit eloschié. Et moustrerent au roy l'exemplaire dou peril de la neif, pour ce que à l'aler que nous feismes outre mer, une neiz en semblable fait avoit estei perie; et je vi la femme et l'enfant chiez le conte de Joyngny, qui seul de ceste nef eschaperent. 1. Voy. 88 39 et G18 15. A ce respondi li roys : « Signour, je voi que se << je descent de ceste nef, que elle sera de refus; et « voy que il a ceans huit cens persones et plus; et << pour ce que chascuns aime autretant sa vie comme << je faiz la moie, n'oseroit nulz demourer en ceste << nef, ainçois demourroient en Cypre. Par quoy, se << Dieu plait, je ne metterai jà tant de gens comme il a ceans en peril de mort; ainçois demourrai ceans pour mon peuple sauver. » 16. Et demoura; et Diex, à cui il s'atendoit, nous sauva en peril de mer bien dix semainnes; et venimes à bon port, si comme vous orrez ci-après. Or avint ainsi que Oliviers de Termes, qui bien et viguerousement s'estoit maintenus outre mer, lessa le roy et demoura en Cypre1, lequel nous ne veismes puis d'an et demi après. Ainsi destourna li roys le doumaige de huit cens personnes qui estoient en la nef. 17. En la dareniere partie de cest livre parlerons de sa fin, comment il trespassa saintement. 18. Or di-je à vous, mon signour le roy de Navarre, que je promis à ma dame la royne vostre mere (à cui Diex bone merci face!), que je feroie cest livre; et pour moy aquitier de ma promesse, l'ai-je fait. Et pour ce que je ne voi nullui qui si bien le doie avoir comme vous qui estes ses hoirs, le vous envoi-je, pour ce que vous et vostre frere, et li autre qui l'orront, y 1. Voy. 22 578 à 581 et 629, |