Imatges de pàgina
PDF
EPUB

il pot avoir. A Poitiers fu li roys près de quinzeinne, que onques ne s'osa partir tant que il fu acordez au conte de la Marche, ne je ne sai comment.

99. Plusours foiz, vi venir le conte de la Marche parler au roy à Poitiers de Lusignan; et touz jours amenoit avec li la royne d'Angleterre sa femme, qui estoit mere au roy d'Angleterre. Et disoient mout de gens que li roys et li cuens de Poitiers avoient fait mauvaise paiz au conte de la Marche.

100. Après ce que li roys fu revenus de Poitiers, ne tarja pas grantment après que li roys d'Angleterre vint en Gascoingne pour guerroier le roy de France. Nostre sainz roys, à quanque il pot avoir de gent, chevaucha pour combattre à li. Là vint li roys d'Angleterre et li cuens de la Marche, pour combatre devant un chastel que on appelle Taillebourc, qui siet sus une male riviere que l'on appelle Carente, là où on ne puet passer que à un pont de pierre mout estroit.

101. Si tost comme li roys vint à Taillebourc, et li host virent li uns l'autre, nostre gent, qui avoient le chastel devers aus, se esforcierent à grant meschief et passerent perillousement par neis et par pons, et coururent sur les Anglois ; et conmença li poingnayz forz et grans. Quant li roys vit ce, il se mist ou peril avec les autres; car pour un home que li roys avoit quant il fu passez devers les Anglois, li Anglois en avoient

1. Isabelle d'Angoulême, veuve de Jean sans Terre et mère de

Henri III. Elle s'était remariée en 1217 avec Hugues X.

[ocr errors][ocr errors][merged small][ocr errors][merged small][ocr errors][merged small][merged small][merged small][merged small]
[merged small][merged small][ocr errors][merged small]

SOUMISSION DU COMTE DE LA MARCHE.

45

bien vingt. Toutevoiz avint-il, si comme Diex vout, que quant li Anglois virent le roy passer, il se desconfirent et mistrent dedens la citei de Saintes; et plusour de nos gens entrerent en la citei mellei avec aus, et furent pris.

102. Cil de nostre gent qui furent pris à Saintes recorderent que il oïrent un grant descort naistre entre le roy d'Angleterre et le conte de la Marche; et disoit li roys que li cuens de la Marche l'avoit envoié querre, car il disoit que il trouveroit grant aide en France. Celi soir meismes, li roys d'Angleterre mut de Saintes et s'en ala en Gascoingne.

23. SOUMISSION DU COMTE DE LA MARCHE.

103. Li cuens de la Marche, comme cil qui ne le pot amender, s'en vint en la prison le roy, et li amena en sa prison sa femme et ses enfans: dont li roys ot, par la paiz fesant, grant coup de la terre le conte; mais je ne sai pas combien, car je ne fu pas à celi fait, car je n'avoie onques lors hauberc vestu'. Mais j'oy dire que, avec la terre que li roys emporta, li quita li cuens de la Marche dix mille livres de parisis que il avoit en ses cofres, et chascun an autant2.

1. Le haubert était une cotte de mailles réservée aux chevaliers. A défaut d'autres renseignements, on pourrait induire de ce passage qu'en 1242 Joinville n'avait pas

vingt et un ans, âge où l'on était ordinairement armé chevalier.

2. Cette rente était alors réduite à 5000 livres tournois, ou 101 319 francs.

104. Quant nous fumes à Poitiers, je vi un chevalier qui avoit non mon signour Gieffroy de Rancon, qui pour un grant outraige que li cuens de la Marche li avoit fait, si comme l'on disoit, avoit jurei sur sains que il ne seroit jamais roingniez en guise de chevalier, mais porteroit greve, aussi comme les femmes fesoient, jusques à tant que il se verroit vengiez dou conte de la Marche, ou par lui ou par autrui. Et quant mes sires Geffroys vit le conte de la Marche, sa femme et ses enfans, agenoilliez devant le roy, qui li crioient merci, il fist aporter un tretel, et fist oster sa greve, et se fist roingnier tout à coup en la presence dou roy, dou conte de la Marche et de ceus qui là estoient.

105. Et en cel ost contre le roy d'Angleterre et contre les barons, li roys donna de grans dons, si comme je l'oy dire à ceus qui en vindrent. Ne pour dons, ne pour despens que l'on feist en cel host, ne autres de ça mer ne de là, li roys ne requist ne ne prist onques aide des siens barons, n'à ses chevaliers, n'à ses homes, ne à ses bones villes, dont on se plainsist. Et ce n'estoit pas de merveille; car ce fesoit-il par le consoil de la bone mere qui estoit avec li, de cui consoil il ouvroit, et des preudhomes qui li estoient demourei dou tens son pere et dou temps son ayoul.

« AnteriorContinua »