LE PÈRE DE JOINVILLE DÉFEND TROYES. 37 rent à Symon signour de Joingville, le pere au signour de Joinville qui ore est, qu'i les venist secourre1. Et il, qui avoit mandei toute sa gent à armes, mut de Joinville à l'anuitier, si tost comme ces nouvelles li vindrent, et vint à Troies ainçois que il fust jours. Et par ce faillirent li baron à lour esme que il avoient de penre la dite citei; et pour ce, li baron passerent par devant Troies sans autre chose faire, et se alerent logier en la praerie d'Isles, là où li dus de Bourgoingne estoit. 85. Li roys de France, qui sot que il estoient là, il s'adreça tout droit là pour combatre à aus; et li baron li manderent et prierent que il ses cors 2 se vousist traire arieres, et il se iroient combatre au conte de Champaingne et au duc de Lorreinne, et à tout le remenant de sa gent, à trois cens chevaliers moins que li cuens n'averoit ne li dus. Et li roys lour manda que à sa gent ne se combateroient-il jà que ses cors ne fust avec. Et il renvoyerent à li et li manderent que il feroient volentiers entendre la royne de Cypre à paiz, se il li plaisoit. Et li roys lour manda que à nulle paiz iln'entenderoit, ne ne soufferroit que li cuens de Champaingne y entendist, tant que il eussent vuidie la conteé de Champaigne. 86. Et il la vuidierent en tel maniere que des Isles, 1. Joinville intervertit les faits: la guerre eut lieu en 1230, deux ans avant la rupture du mariage projeté d'Yolande avec le comte de Champagne, et trois ans avant l'ar rivée de la reine Alix de Chypre. 2. C'est-à-dire que lui sa personne ou son corps au sujet (ses répondant au latin suus); nous di rions lui de sa personne. là où il estoient il se alerent logier dessous Juylli; et li roys se loja à Isles, dont il les avoit chaciés. Et quant il seurent que li roys fu alez là, il s'alerent logier à Chaorse; et n'oserent le roy atendre, et s'alerent logier à Laingnes, qui estoit au conte de Nevers, qui estoit de lour partie. Et ainsi li roys accorda le conte de Champaingne à la royne de Chypre, et fu la paiz faite en tel maniere que li diz cuens de Champaingne donna à la royne de Cypre entour dous mille livrées de terre, et quarante mille livres que li roys paia pour le conte de Champaigne. 87. Et li cuens de Champaigne vendi au roi, parmi les quarante mille livres, les fiez ci-après nommés: c'est à savoir le fié de la conteé de Bloiz, le fié de la conteé de Chartres, le fié de la conteé de Sanserre, le fié de la viconteé de Chasteldun1. Et aucunes gens si disoient que li roys ne tenoit ces devant diz fiez que en gaige; mais ce n'est mie voirs, car je le demandai nostre saint roy Looys outre mer. 88. La terre que li cuens Tybaus donna à la royne de Cypre, tiennent li cuens de Brienne qui ore est 2, et li cuens de Joigny3, pour ce que l'aïole le conte de Brienne fu fille à la royne de Cypre, et femme le grant conte Gautier de Brienne'. 1 Ce traité fut conclu en 1234; saint Louis acquit ainsi, non pas la propriété, mais l'hommage de ces trois comtés et de la vicomté de Châteaudun, en sorte que les seigneurs de ces quatre fiefs cessèrent d'être vassaux du comte de Champagne pour devenir vassaux du roi. 2. Gautier V. 3. Jean II. 4. Gautier IV, dit le Grand, comte de Brienne et de Jaffa, don |