JOINVILLE REFUSE DE SE CROISER.

305

que je me dormi à matines; et me fu avis, en dormant, que je veoie le roy devant un autel à genoillons; et m'estoit avis que plusour prelat revestu le vestoient d'une chasible vermeille de sarge de Reins.

732. Je apelai après ceste vision mon signour Guillaume, mon prestre, qui mout estoit saiges, et li contai la vision. Et il me dist ainsi : « Sire, vous verrés << que li roys se croisera demain. » Je li demandai pourquoy il le cuidoit; et il me dist que il le cuidoit, par le songe que j'avoie songié; car la chasible de sarge vermeille senefioit la croiz, laquex fu vermeille dou sanc que Diex y espandi de son costei, et de ses mains, et de ses piez. « Ce que la chasible estoit de << sarge de Reins, senefie que la croiserie sera de petit <«<esploit, aussi comme vous verrés se Diex vous donne << vie. »

733. Quant je oi oye la messe à la Magdeleinne à Paris, je alai en la chapelle le roy, et trouvai le roy qui estoit montez en l'eschaufaut aus reliques, et fesoit aporter la vraie Croiz aval. Endementres que li roys venoit aval, dui chevalier qui estoient de son consoil, commencierent à parler li uns à l'autre, et dist li uns : << Jamais ne me creez, se li roys ne se croise illec. » Et li autres respondi que « se li roys se croise, ce yert «< une des douloureuses journées qui onques fust en « France. Car se nous ne nous croisons, nous perde«rons le roy; et se nous nous croisons, nous perderons « Dieu, que nous ne nous croiserons pas pour li, mais « pour paour dou roy. »

JOINVILLE. Hist. de saint Louis.

20

734. Or avint ainsi, que li roys se croisa l'endemain, et sui troi fil avec li; et puis est avenu que la croiserie fu de petit esploit, selonc la prophecie mon prestre. Je fu mout pressez dou roy de France et dou roy de Navarre de moy croisier.

735. A ce respondi-je que, tandis comme je avoie estei ou servise Dieu et le roy outre-mer, et puis que je en reving, li serjant au roy de France et le roy de Navarre m'avoient destruite ma gent et apovroiez; si que il ne seroit jamais heure que je et il n'en vausissent piz. Et lour disoie ainsi, que se je en vouloie ouvrer au grei Dieu, que je demourroie ci pour mon peuple aidier et deffendre; car se je metoie mon cors en l'aventure dou pelerinaige de la croiz, là où je veoie tout cler que ce seroit au mal et au doumaige de ma gent, j'en courouceroie Dieu, qui mist son cors pour son peuple sauver.

736. Je entendi que tuit cil firent pechié mortel qui li loerent l'alée, pour ce que ou point que il estoit en France, touz li royaumes estoit en bone paiz en li meismes et à touz ses voisins; ne onques puis que il en parti, li estaz dou royaume ne fist que empirier.

737. Grant pechié firent cil qui li loerent l'alée, à la grant flebesce là où ses cors estoit; car il ne pooit souffrir ne le charier, ne le chevauchier La flebesce de li estoit si grans, que il souffri que je le portasse dès l'ostel au conte d'Ausserre, là où je pris congié de li, jeusques aus Cordeliers, entre mes bras. Et si. febles comme il estoit, se il fust demourez en France.

mod de.

DERNIÈRE MALADIE DE SAINT LOUIS.

307

peust-il encore avoir vescu assez, et fait mout de biens et de bonees œuvres.

CXLV. SAINT LOUIS TOMBE MALADE; SES ENSEIGNEMENTS

A SON FILS.

738. De la voie que il fist à Thunes ne vueil-je riens conter ne dire, pour ce que je n'i fu pas, la merci Dieu! ne je ne vueil chose dire ne mettre en mon livre de quoy je ne soie certeins. Si parlerons de nostre saint roy sanz plus, et dirons ainsi, que après ce que il fu arivez à Thunes devant le chastel de Carthage, ne maladie le prist dou flux dou ventre (et Philippes, ses fiz aisnez, fu malades de fievre carte, avec le flux lou ventre que li roys avoit), dont il acoucha au lit, et senti bien que il devoit par tens trespasser de cest iecle à l'autre.

739. Lors apela mon signour Phelippe son fil, et i commanda à garder, aussi comme par testament, ouz les enseignemens que il li lessa, qui sont ci-après scrit en françois, lesquiex enseignemens li roys scrist de sa sainte main, si comme l'on dist.

740. Biauz fiz, la premiere chose que je t'enseing, si est uc tu mettes ton cuer en amer Dieu; car sans ce nulz ne uet estre sauvez. Garde-toy de faire chose qui à Dieu

4. Voyez plus loin(2 768) une note relative à ces enseignements.