MARIAGE D'ISABELLE ET DU ROI DE NAVARRE. 281 moy, pour l'amour que il orent veue que li roys m'avoit moustrée à Soissons, je ne lessai pas pour ce que je ne venisse au roy de France pour parler dou dit mariaige. « Alez, dist li roys, si vous apaisiés au conte << de Bretaingne, et puis si ferons nostre mariaige. >> Et je li dis que pour ce ne le devoit-il pas lessier. Et il me respondi que à nul fuer il ne feroit le mariaige jeusques à tant que la paiz fust faite, pour ce que l'on ne deist que il mariast ses enfans ou desheritement de ses barons. 666. Je raportai ces paroles à la royne Marguerite de Navarre et au roy son fil, et à lour autre consoil; et quant il oïrent ce, il se hasterent de faire la paiz. Et après ce que la paiz fu faite, li roys de France donna au roy Thybaut sa fille; et furent les noces faites à Melun grans et plenieres; et de là l'amena li roys Thybaus à Provins, là où la venue fu faite à grant foison de barons. CXXXV. HABITUDES ET CARACTÈRE DE SAINT LOUIS ; IL REPOUSSE UNE DEMANDE INJUSTE DES ÉVÊQUES. 667. Après ce que li roys fu revenus d'outre mer, il se maintint si devotement que onques puis ne porta ne vair, ne gris, ne escarlatte, ne estriers, ne esperons dorez. Ses robes estoient de camelin ou de pers; ses pennes de ses couvertours et de ses robes estoient de gamites, ou de jambes de lievres, ou d'aigniaus. Il estoit si sobres de sa bouche qu'il ne devisoit nullement ses viandes, fors ce que ses cuisiniers li appareilloit; et on le mettoit devant li, et il mangeoit. Son vin trampoit en un gobelet de voirre; et selon ce que li vins estoit, il metoit de l'eaue par mesure, et tenoit le gobelet en sa main ainsi comme on li trempoit son vin derriere sa table. Il faisoit tous jours mangier ses povres, et après mangier lour faisoit donner de ses deniers. : 668. Quant li menestrier aus riches homes venoient leans et il aportoient lour vielles après mangier, il atendoit à oïr ses graces tant que li menestriers eust fait sa lesse lors se levoit, et li prestre estoient devant li, qui disoient ses graces. Quant nous estiens privéement leans, il s'asseoit aus piés de son lit; et quant li Preescheour et li Cordelier qui là estoient, li ramentevoient aucun livre qu'il oyst volentiers, il lour disoit « Vous ne me lirez point; car il n'est si bon: <«< livres après mangier comme quolibet, c'est-à-dire << que chascun die ce que il veut. » Quant aucun riche home estrange mangoient avec li, il lour estoit de bone compaingnie. 669. De sa sapience vous dirai-je. Il fu tel foiz qu' l'on tesmoingnoit qu'il n'avoit si saige à son conse comme il estoit. Et parut à ce que quant on li parle d'aucunes choses, il ne disoit pas : « Je m'en conseil « lerai; » ains quant il veoit le droit tout cler apert, il respondoit tout senz son consoil, tout |