LE FEU DANS LA CHAMBRE DE LA REINE.

271

les vouloient lessier. Lors commanda li roys que on les meist en la barje de cantiers; et lors il commencierent à crier et à braire : « Sire, pour Dieu, raimbez-nous « de quant que nous avons, mais que vous ne nous << metiez là où on met les murtriers et les larrons; car << touz jours mais nous seroit reprouvei. >>

644. La royne et nous tuit feismes nos pooirs comment li roys se vousist souffrir; mais onques li roys ne vout escouter nullui; ainçois y furent mis et y demourerent tant que nous fumes à terre. A tel meschief y furent, que quant la mers grossoioit, les ondes lour voloient par dessus la teste, et les couvenoit asseoir que li vens ne les emportast en la mer. Et ce fu à bon droit; que lour gloutonnie nous fist tel doumaige que nous en fumes delaié huit bones journées, parce que li roys fist tourner les neis ce devant deriere.

CXXVIII. LE FEU PREND DANS LA CHAMBRE DE LA REINE.

645. Une autre avanture nous avint en la mer, avant que nous venissiens à terre, qui fu teix, que une des beguines la royne, quant elle ot la royne couchie, si ne se prist garde, si jeta sa touaille de quoy elle avoit sa teste entorteillie, au chief de la paielle de fer là où la soigne la royne ardoit; et quant elle fu alée couchier en la chambre desous la chambre la royne, là où les femmes gisoient, la chandelle ardi tant que li feus se

prist en la touaille, et de la touaille se prist à toilles dont li drap la royne estoient couvert.

646. Quant la royne se esveilla, elle vit la chambre toute embrasée de feu, et sailli sus toute nue, et prist la touaille et la jeta toute ardant en la mer, et prist les toilles et les estainst. Cil qui estoient en la barge de cantiers crierent basset: «Le feu! le feu ! » Je levai ma teste, et vi que la touaille ardoit encore à clere flambe sur la mer, qui estoit mout quoye. Je vesti ma cote au plus tost que je poi, et alai seoir avec les mariniers.

647. Tandis que je seoie là, mes escuiers, qui gisoit devant moy, vint à moy et me dist que li roys estoit esveilliez, que il avoit demandei là où je estoie: «Et << je li avoie dit que vous estiés es chambres; et li roys << me dist: Tu mens. » Tandis que nous parliens illec, à tant es-vous maistre Geoffroy, le clerc la royne, qui me dist: «Ne vous effreez pas; car il est ainsi avenu.> Et je li diz: «< Maistres Geoffroys, alez dire à la royne << que li roys est esveilliez, et qu'elle voise vers li pour << li apaisier. >>

648. L'endemain, li connestables de France et mes sires Pierres li chamberlans et mes sires Gervaises li pannetiers distrent au roy: «Que a ce anuit estei, que <«< nous oïmes parler de feu? » Et je ne dis mot. Et lors dist li roys: « Ce soit par male avanture là où li senes<«< chaus est plus celans que je ne sui; et je vous con<< terai, dist li roys, que ce est que nous deumes estre << ennuit tuit ars. »