Imatges de pàgina
PDF
EPUB

TEMPÊTE SUR LES CÔTES DE CHYPRE.

265

CXXIV. TEMPÊTE SUR LES CÔTES DE CHYPRE. Vœu

DE LA REINE ET DE JOINVILLE.

630. De ce peril, dont Diex nous ot eschapez, entrames en un autre; car li vens qui nous avoit flatis sus Chypre, là où nous deumes estre noié, leva si forz et si orribles, car il nous batoit à force sus l'ille de Cypre; car li marinier geterent lour ancres encontre le vent, ne onques la nef ne porent arester tant que il en y orent aportei cinq. Les parois de la chambre le roy couvint abattre, ne il n'avoit nulli Jeans qui y osast demourer, pour ce que li vens ne les enportast en la mer. En ce point li connestables de France, mes sires Giles li Bruns, et je, estiens couchié en la chambre le roy; et en ce point la royne ouvri l'uis de la chambre, et cuida trouver le roy en la seue.

631. Et je li demandai qu'elle estoit venue querre : elle dist qu'elle estoit venue parler au roy, pour ce que il promeist à Dieu aucun pelerinaige, ou à ses sains, par quoy Diex nous delivrast de ce peril là où nous estiens; car li marinier avoient dit que nous estiens en peril de naier. Et je li diz: « Dame, prometés la voie à << mon signour saint Nicholas de Warangeville 1, et je << vous suis pleges pour li que Diex vous ramenra en <<< France, et le roy et vos enfans. Seneschaus, fist<< elle, vraiement je le feroie volentiers; mais li roys est

1. Saint-Nicolas du Port (département de Meurthe-et-Moselle).

« si divers que se il le savoit que je l'eusse promis << sanz li, il ne m'i lairoit jamais aler.

632. « Vous ferez une chose, que se Diex vous << rameinne en France, que vous li prometterés une nef d'argent de cinq mars, pour le roy, pour vous et <«< pour vos trois enfants; et je vous sui pleges que << Diex vous ramenra en France; car je promis à saint <«< Nicholas que se il nous reschapoit de ce peril là où <«< nous aviens la nuit estei, que je l'iroie requerre de << Joinville à pié et deschaus. » Et elle me dist que la nef d'argent de cinq mars que elle la prometoit à saint Nicholas, et me dist que je l'en fusse pleges; et je li dis que si seroie-je mout volentiers. Elle se parti de illec, et ne tarda que un petit; si revint à nous et me dist: « Sains Nicholas nous a garantis de cest peril; << car li vens est cheus. >>

633. Quant la royne (que Diex absoille!) fu revenue en France, elle fist faire la nef d'argent à Paris. Et estoit en la nef, li roys, la royne, et li troi enfant, tuit d'argent; li mariniers, li mas, li gouvernaus et les cordes, tuit d'argent; et li voiles tous cousus à fil d'argent. Et me dist la royne que la façons avoit coustei cent livres. Quant la neis fu faite, la royne la m'envoia à Joinville pour faire conduire jusques à SaintNicholas, et je si fis; et encore la vis-je à Saint-Nicholas quant nous menames la serour le roy à Haguenoe, au roi d'Alemaingne 1.

1. Albert, roi ou empereur d'Allemagne, dont le fils Rodolphe

épousa, en 1300, Blanche, sœur de Philippe le Bel, morte en 1305.

PROFIT A TIRER DES MENACES DE DIEU.

267

CXXV. PROFIT A TIRER DES MENACES De dieu.

634. Or revenons à nostre matiere, et disons ainsi, que après ce que nous fumes eschapei de ces dous perilz, li roys s'assit sur le bort de la nef, et me fist asseoir à ses piez, et me dist ainsi : « Seneschaus, << nous a bien moustrei nostre Diex son grant pouoir; << que uns de ces petits vens (non pas des quatre << maistres vens) dut avoir naié le roy de France, sa << femme et ses enfans, et toute sa compaingnie. Or li « devons grei et grace rendre dou peril dont il nous a << delivrez.

635. «Seneschaus, fist li roys, de tiex tribulacions, << quant elles aviennent aus gens, ou de grans mala<< dies, ou d'autres persecucions, dient li saint que ce << sont les menaces Nostre Signour. Car aussi comme « Diex dit à ceus qui eschapent de grans maladies : «< Or veez-vous bien que je vous eusse bien mors se « je vousisse; et ainsi puet-il dire à nous: - Vous << veez bien que je vous eusse touz noiez se je vou<< sisse.

636.« Or devons, fist li roys, regarder à nous, que « il n'i ait chose qui li desplaise par quoy il nous ait << ainsi espoentez; et se nous trouvons chose qui li << desplaise, que nous le metiens hors; car se nous le <«<fesiens autrement après ceste menace que il nous a

Voy. 8 39 à 41.

« AnteriorContinua »