LA NEF DU ROI ÉCHAPPE AU NAUFRAGE. 261 «mée; » et si fist-il. Et maintenant que il l'ot getée, il s'escria et dist: « Halas! nous soumes à terre. >> Quant freres Remons oy ce, il se dessira jusques à la courroie, et prist à arachier sa barbe, et crier: « Ai << mi, ai mi!» 620. En ce point, me fist uns miens chevaliers, qui avoit non mon signour Jehan de Monson, peres l'abbei Guillaume de Saint-Michiel, une grant debonnairetei, qui fu teix car il m'aporta sanz dire un mien seurcot forrei, et le me geta ou dos, pour ce que je n'avoie que ma cote vestue. Et ge li escriai et li diz: «Que ai-je à faire de vostre seurcot, que vous m'a<< portez quant nous noyons? » Et il me dist: « Par « m'ame! sire, je averoie plus chier que nous fus<«< siens tuit naié, que ce que une maladie vous preist « de froit, dont vous eussiez la mort. » 621. Li marinier escrierent: « Çà, la galie! pour «<le roy requeillir. » Mais de quatre galies que li roys avoit là, il n'i ot onques galie qui de là s'aprochast : dont il firent mout que saige; car il avoit bien huit cens persones en la nef qui tuit fussent sailli es galies pour lour cors garantir, et ainsi les eussent effondées. 622. Cil qui avoit la plommée, geta la seconde foiz, et revint à frere Remont, et li dist que la neis n'estoit mais à terre. Et lors freres Remons le ala dire au roy, qui estoit en croiz adenz sur le pont de la nef, touz deschaus, en pure cote et touz deschevelez (devant le cors Notre Signour qui estoit en la nef), comme cil qui bien cuidoit noier. Si tost comme il fu jours, nous veimes la roche devant nous, là où nous fussiens hurtei se la neis ne fust adhurtée à la queue dou sablon. CXXIII. LE ROI REFUSE DE QUITTER SON VAISSEAU. 623. L'endemain, envoia li roys querre les maistres nothonniers des neis, liquel envoierent quatre plungeours en la mer aval. Et plungierent en la mer; et quant il revenoient, li roys et li maistre nothonnier les oyoient l'un après l'autre, en tel maniere que li uns des plongeours ne savoit ce que li autres avoit dit. Toutevoiz trouva l'on par les quatre plungeours, que au froter que nostre neis avoit fait ou sablon, li sablons en avoit bien ostei quatre taises dou tyson sur quoy la neis estoit fondée. 624. Lors appela li roys les maistres nothonniers devant nous, et lour demanda quel consoil il donroient dou cop que sa neis avoit receu. Il se conseillierent ensemble, et loerent au roy que il se descendist de la nef là où il estoit, et entrast en une autre. 625. « Et ce consoil vous loons-nous, car nous en<< tendons de certein que tuit li ais de vostre nef sont <«<tuit eslochié par quoy nous doutons que quant <<< vostre neis venra en la haute mer, que elle ne << puisse soufrir les cos des ondes, qu'elle ne se des<< piece. Car autel avint-il quand vous venistes de |