<< teours, et que il y vieigne après autre gent qui y ha<< biteront. » La prophecie dou preudome est averée en partie, car la cités est bien lavée dou sanc aus habiteours1; mais encore n'i sont pas venu cil qui y doivent habiter; et Diex les y envoit bons et tiex qu'il soient à sa volentei! CXXI. JOINVILLE CONDUIT LA REINE A SUR. EMBARQUEMENT DU ROI. 614. Après ces choses, m'envoya querre et me manda li roys que je m'alasse armer, et mes chevaliers. Je li demandai pourquoy; et il me dist pour mener la royne et ses enfans jeusques à Sur, là où il avoit sept lieues. Je ne li repris onques la parole; et si estoit li commandemens si perillous que nous n'aviens lors ne treves ne paiz, ne à ceus d'Egypte ne à ceus de Damas. La merci Dieu, nous y venimes tout en paiz, sanz nul empeeschement et à l'anuitier, quant il nous couvint dous foiz descendre en la terre de nos ennemis pour faire feu et cuire viande, pour les enfans repaistre et alaitier. 615. Quant li roys se parti de la citei de Sayete, que il avoit fermée de grans murs et de grans tours, et de grans fossés curez dehors et dedans, li patriar 1. Allusion à la prise et au sac de la ville d'Acre, dont les Sarra sins s'emparèrent en 1291, et massacrèrent les habitants. LE ROI S'EMBARQUE. 259 ches et li baron dou païs vindrent à li, et li distrent en tel maniere : 616. « Sire, vous avez fermée la citei de Sayete, et «< celle de Cesaire, et le bourc de Jaffe, qui mout est << grans profis à la sainte Terre; et la citei d'Acre << avés mout enforcie des murs et des tours que vous << y avez fait. Sire, nous nous soumes regardei entre <«< nous, que nous ne veons que desormais vostre de«mourée puisse tenir point de proufit au royaume de << Jerusalem; pour laquel chose nous vous loons et <«< conseillons que vous alez en Acre à ce quaresme « qui vient, et atiriez vostre passaige, par quoy vous << en puissés aler en France après cette Pasque. » Par le consoil dou patriarche et des barons, li roys se parti de Sayette et vint à Sur, là où la royne estoit; et dès illec venimes à Acre à l'entrée de quaresme 1. 2 617. Tout le quaresme, fist areer li roys ses neis pour revenir en France, dont il y ot treize, que neis que galies. Les neis et les galies furent atiries en tel maniere, que li roys et la royne se requeillirent en lour neis la vegile de saint-Marc après Pasques, et eumes bon vent au partir. Le jour de la saintMarc, me dist li roys que à celi jour il avoit estei nez3; et je li diz que encore pooit-il bien dire queil estoit renez ceste journée, et que assez estoit renez quant il de celle perillouse terre eschapoit. CXXII. LE VAISSEAU DU ROI HEURTE CONTRE 618. Le samedy, veimes l'ille de Cypre, et une montaingne qui est en Cypre, que on appele la montaigne de la Croiz. Celi samedi, leva une bruine de la terre, et descendi de la terre sur la mer; et pour ce cuidierent nostre marinier que nous fussiens plus loing de l'ille de Cypre que nous n'estiens, pour ce que il veoient la montaigne par desus la bruine. Et pour ce firent nagier habandonnéement: dont il avint ainsi, que nostre neis hurta à une queue de sablon qui estoit en la mer. Or avint ainsi, que se nous n'eussiens trouvei ce pou de sablon là où nous hurtames, nous eussiens hurtei à tout plein de roches qui estoient couvertes, là où nostre neis eust estei toute esmiée, et nous tuit perillié 2 et noié. 619. Maintenant que nostre neis ot hurtei, li cris leva en la nef si grans, que chascuns crioit helas! et li marinier et li autre batoient lour paumes, pour ce que chascuns avoit poour de noier. Quant je oy ce, je me levai de mon lit, là où je gisoie, et alai ou chastel avec les mariniers. Quant je ving là, freres Remons, qui estoit Templiers et maistres desus les mariniers, dist à un de ses vallez : « Giete ta plom |
