LE ROI APPREND LA MORT DE SA MÈRE. 255 que elle plouroit, et je li dis que voir dit cil qui dit que l'on ne doit femme croire : « Car ce estoit la « femme que vous plus haiés qui est morte, et vous « en menez tel duel! » Et elle me dist que ce n'estoit pas pour li que elle ploroit, mais pour la mesaise que li roys avoit dou duel que il menoit, et pour sa fille (qui puis fu royne de Navarre), qui estoit demourée en la garde des homes. 606. Les durtez que la royne Blanche fist à la royne Marguerite furent tiex, que la royne Blanche ne vouloit soufrir, à son pooir, que ses fiz fust en la compaingnie sa femme, ne mais que le soir quant il aloit couchier avec li. Li hostiex là où il plaisoit miex à demourer, c'estoit à Pontoise, entre le roy et la royne, pour ce que la chambre le roy estoit desus, et la chambre la royne estoit desous. 607. Et avoient ainsi acordei lour besoigne, que il tenoient lour parlement en une viz qui descendoit de l'une chambre en l'autre; et avoient lour besoignes si atiries, que quant li huissier veoient venir la royne en la chambre le roy son fil, il batoient les huis de lour verges, et li roys s'en venoit courant en sa chambre, pour ce que sa mere l'i trouvast; et ainsi refesoient li huissier de la chambre la royne Marguerite quant la royne Blanche y venoit, pour ce qu'elle y trouvast la royne Marguerite. 608. Une foiz estoit li roys decoste la royne sa emme, et estoit en trop grant peril de mort, pour ce qu'elle estoit blecie d'un enfant qu'elle avoit eu. Là vint la royne Blanche, et prist son fil par la main. et li dist<< Venés-vous-en, vous ne faites riens ci. > Quant la royne Marguerite vit que la mere emmenoit le roy, elle s'escria : « Hélas! vous ne me lairés veoir << mon signour ne morte ne vive. » Et alors elle se pasma, et cuida l'on qu'elle fust morte; et li roys, qui cuida qu'elle se mourust, retourna; et à grant peinne la remist l'on à point. CXX. LE ROI DÉCIDE SON RETOUR EN FRANCE; 609. En ce point que la cités de Sayete estoit jä presque toute fermée, li roy fist faire plusours processions en l'ost, et en la fin des processions fesoit prier li legas que Diex ordenast la besoigne le roy à sa volentei, par quoy li roys en feist le meillour au grei Dieu, ou de raler en France, ou de demourer lå. 610. Après ce que les processions furent faites, roys m'apela là où je me seoie avec les riches homes dou pays, de là en un prael, et me fit le dos tourner vers aus. Lors me dist li legas : « Seneschaus, li roys << se loe mout de vostre servise, et mout volentier << vous pourchaceroit vostre profit et vostre honour << et pour vostre cuer, me dist-il, mettre à aise, na « dist-il que je vous deisse que il a atirie sa besoin ENTRETIEN DE JOINVILLE ET DU LÉGAT. 257 «gne pour aler en France à ceste Pasque qui vient1.» Et je li respondi: «Diex l'en lait faire sa vo<< lentei! >> 611. Lors se leva li legas et me dist que je le convoiasse jusques à son hostel; ce que je feis. Lors s'enclost en sa garderobe, entre li et moy sanz plus, et me mist mes dous mains entre les seues, et commensa à plorer mout duremeut; et quant il pot parler, si me dist: « Seneschaus, je suis mout liés, si en << rent graces à Dieu, de ce que li roys, vous et li << autre pelerin eschapent dou grant peril là où vous << avez estei en celle terre. Et mout sui à mesaise de << cuer de ce que il me couvenra lessier vos saintes <«< compaingnies, et aler à la court de Rome, entre « celle desloial gent qui y sont. 612. «Mais je vous dirai que je pens à faire je << pens encore à faire tant que je demeure un an << après vous; et bé à despendre touz mes deniers à « fermer le fors-bourc d'Acre, si que je lour mous<«< terrai tout cler que je ne report point d'argent; si << ne me courront mie à la main. >> 613. Je recordoie une foiz au legat dous pechiez que uns miens prestres m'avoit recordez; et il me respondi en tel maniere : « Nulz ne sait tant de des<«<loiaus pechiez que l'on fait en Acre, comme je faiz : dont il couvient que Diex les venge, en tel maniere « que la cités d'Acre soit lavée dou sanc aus habi-· 1. A la Pâque de l'an 1251. JOINVILLE. Hist. de saint Louis. 17 |