LE ROI REFUSE D'ALLER A JERUSALEM. 233 553. Li baron d'outre mer se descorderent dou chastel refermer, pour ce que c'estoit loing de la mer à cinq lieues; par quoy nulle viande ne nous peust. venir de la mer, que li Sarrazin ne nous tollissent, qui estoient plus fort que nous n'estiens. Quant ces nouvelles vindrent en l'ost, dou bourc de Sayette qui estoit destruis, et vindrent li baron dou païs au roy, et li distrent que il li seroit plus grans honnours de refermer le bourc de Saiette, que li Sarrazin avoient abatu, que de faire une forteresse nouvelle; et li roys s'acorda à aus. CVIII. POURQUOI SAINT-LOUIS REFUSA D'ALLER 554. Tandis que li roys estoit à Jaffe, l'on li dist que li soudans de Damas li soufferroit bien à aler en Jerusalem, et par bon asseurement. Li roys en ot grant consoil; et la fins dou consoil fu teix, que nulz ne loa le roy que il y alast, puisque il couvenist que il lessast la citei en la main des Sarrazins. 555. L'on en moustra au roy un exemple qui fu teix, que quant li grans roys Phelippes se parti de devant Acre pour aler en France, il lessa toute sa gent demourer en l'ost avec le duc Hugon de Bourgoingne, l'aioul cesti duc qui est mors nouvellement'. Tandis, 1. Hugues III, bisaïeul de Robert II, mort au mois de mars 1306. que li dus sejournoit à Acre, et li roys Richars d'Angleterre aussi, nouvelles lour vindrent que il pooient penre l'endemain Jerusalem se il vouloient, pour ce que toute la force de la chevalerie le soudanc de Damas s'en estoit alée vers li, pour une guerre que il avoit à un autre soudanc. Il atirierent lour gent, et fist li roys d'Angleterre la premiere bataille, et li dus de Bourgoingne l'autre après, atout les gens le roy de France. pestive ance 556. Tandis que il estoient à esme de penre la ville, on li manda de l'ost le duc que il n'alast avant; car li dus de Bourgoingne s'en retournoit ariere, pour ce, sanz plus, que l'on ne deist que li Anglois eussent pris Jerusalem. Tandis que il estoient en ces paroles, uns siens chevaliers li escria : « Sire, sire, venez jusques «< ci, etje vous mousterrai Jerusalem. » Et quant il oy ce, il geta sa cote à armer devant ses yex tout en plorant, et dist à Nostre Signour: «Biaus sire Diex, je «te pri que tu ne seuffres que je voie ta sainte citei, << puisque je ne la puis delivrer des mains de tes << ennemis. >>> 557. Ceste exemple moustra l'on au roy, pour ce que se il, qui estoit li plus grans roys des Crestiens, fesoit son pelerinage sanz delivrer la citei des ennemis Dieu, tuit li autre roy et li autre pelerin qui après li venroient, se tenroient tuit apaié de faire lour pelerinaige aussi comme li roys de France averoit fait, ne ne feroient force de la delivrance de Jerusalem. 558. Li roys Richars fist tant d'armes outre mer à |