DÉFAITE DE BARRAQUAN.

225

aus chans pour combatre au soudanc que il veoit aus yex, oy le cri de sa gent, il retourna en son host pour secourre lour femmes et lour enfans; et li soudans lour courut sus, il et sa gent: dont il avint si bien, que de vint-cinq mille que il estoient, il ne lour demoura home ne femme, que tuit ne fussent mort et livrei à l'espée.

536. Avant que li emperieres de Perse alast devant la Chamelle, il amena le conte Gautier devant Jaffe; 1. et le pendirent par les bras à unes fourches, et li dirent que il ne le despenderoient point jusques à tant que il averoient le chastel de Jaffe. Tandis que il pendoit par les bras, il escria à ceus dou chastel que pour mal que il li feissent, que il ne rendissent la ville, et que se il la rendoient,-il meismes les occiroit.

537. Quant li emperieres vit ce, il envoya le conte Gautier en Babiloinne et en fist present au soudanc, et dou maistre de l'Ospital, et de plusours prisonniers que il avoit pris. Cil qui menerent le conte en Babiloinne estoient bien trois cens, et ne furent pas occis quant li emperieres fu mors devant la Chamelle. Et cist Coremin assemblerent à nous le vendredi que il nous vindrent assaillir à pié. Lour banieres estoient

1. Et non des fourches, parce que fourches, dans le sens de gibet, ne s'employait qu'au pluriel. Voy. unes lettres (266), et unes roches (une chaîne de rochers, 8 473).

2. Joinville a raconté plus haut cette bataille (2 263 à 276) sans parler de l'intervention des Corasmins; mais ce qui lève toute équivoque,

JOINVILLE. Hist. de saint Louis.

c'est la double circonstance (rappelée ici comme au 8 279) d'un combat livré un vendredi, et dans lequel les chrétiens étaient à pied. Les Corasmins étaient une tribu de Turcs qui, après avoir traversé la Perse, d'où ils furent chassés par les Tartares, avaient pénétré en Syrie. (Voy. 22 484, 486 et 528.)

15

vermeilles et estoient endantées juesques vers les lances; et sur lour lances avoient testes faites de cheveus qui sembloient testes de dyables.

538. Plusour des marcheans de Babiloine crioient après le soudanc que il lour feist droit dou conte Gautier, des grans doumaiges que il lour avoit faiz; et li soudans lour abandonna que il s'alassent vengier de li. Et il l'alerent occirre en la prison et martyrier : dont nous devons croire que il est es ciex ou nombre des martirs.

539. Li soudans de Damas prist sa gent qui estoient à Gadres, et entra en Egypte. Li amiral se vindrent combatre à li. La bataille dou soudanc desconfist les amiraus à cui il assembla, et l'autre bataille des amiraus d'Egypte desconfist l'ariere bataille dou soudanc de Damas. Ainsi, s'en vint li soudans de Damas arriere à Gadres, navrez en la teste et en la main. Et avant que il se partist de Gadres, envoierent li amiral d'Egypte lour messaiges et firent paiz à li, et nous faillirent de toutes nos couvenances; et fumes de lors en avant que nous n'eumes ne treves ne paiz ne à ceus de Damas ne à ceus de Babiloine. Et sachiez que quant nous estiens le plus de gens à armes, nous n'estiens nulle foiz plus de quatorze cens.

1. Je substitue ainsi à aussi.

DU MAITRE DE SAINT-LAZARE.

227

CIV. LE MAITRE DE SAINT-LAZARE VAINCU

PAR LES SARRASINS.

540. Tandis que li roys estoit en l'ost devant Jaffe, li maistres de Saint-Ladre ot espié delez Rames, à trois grans lieues, bestes et autres choses là où il cuidoit faire un grant gaaing; et il qui ne tenoit nul conroy en l'ost, ainçois fesoit sa volontei en l'ost, sanz parler au roy ala là. Quant il ot aqueillie sa praie, li Sarrazin li coururent sus et le desconfirent en tel maniere, que de toute sa gent que il avoit avec li en sa bataille, il n'en eschapa que quatre.

541. Si tost comme il entra en l'ost, il commença à crier aus armes. Je m'alai armer, et priai au roy que il me laissast aler là; et il m'en donna congié, et me commanda que je menasse avec moy le Temple et l'Ospital. Quant nous venimes là, nous trouvames que autre Sarrazin estrange estoient embatu en la valée là où li maistres de Saint-Ladre avoit estei desconfiz. Ainsi comme cist Sarrazin estrange regardoient ces mors, li maistres des arbalestriers le roy lour courut sus; et avant que nous venissiens là, nostre gent les orent desconfiz et plusours en occirent.

542. Uns serjans le roy et uns des Sarrazins s'i porterent à terre li uns l'autre de cop de lance. Uns autres serjans le roy, quant il vit ce, il prist les dous chevaus, et les emmenoit pour embler; et pour ce que l'on ne le veist, il se mist parmi les murailles de la