Imatges de pàgina
PDF
EPUB
[ocr errors]

GAUTIER COMTE DE BRIENNE ET DE JAFFA.

221

CII. DE GAUTIER, COMTE DE BRIENNE ET DE JAFFA; COMMENT IL FUT FAIT PRISONNIER PAR L'EMPEREUR DE PERSE.

527. Pour ce que bone chose est que la memoire dou conte de Brienne, qui fu cuens de Jaffe, ne soit oubliée, vous dirons nous cy après de li, pour ce qu'il tint Jaffe par plusours années, et par sa vigour il la deffendi grant temps; et vivoit grant partie de ce que il gaaingnoit sus les Sarrazins et sur les ennemis de la foy. Dont il avint une foiz que il desconfist une grant quantitei de Sarrazins qui menoient grant foison de dras d'or et de soie, lesquiex il gaaingna touz; et quant il les ot amenez à Jaffe, il departi tout à ses chevaliers, que onques riens ne li en demoura. Sa maniere estoit teix, que quant il estoit partis de ses chevaliers, il s'enclooit en sa chapelle, et estoit longuement en oroisons avant que il alast le soir gesir avec sa femme, qui mout fu bone dame et saige, et suer au roy de Cypre1.

528. Li emperieres de Perse, qui avoit non Barbaquan, que li uns des princes des Tartarins avoit desconfit, si comme j'ai dit devant3, s'en vint atout son ost ou royaume de Jerusalem; et prist le chastel de Taba

1. Marie, sœur de Henri Ier, ro de Chypre. (Voy. 8 88.)

2. Il a été question plus haut de ce chef qui, après la mort du fils

de Mohammed, prit le commandement des débris des Corasmins. (Voy. 8 474).

3. Voy. 8 486.

rié1, que mes sires Huedes de Monbeliart li connestables avoit fermei, qui estoit sires de Tabarié de par sa femme. Mout grant doumaige fist à nostre gent; car il destruist quant que il trouvoit hors Chastel-Pelerin, et dehors Acre, et dehors le Saffar, et dehors Jaffe aussi. Et quant il ot fait ces doumaiges, il se trait à Gadres encontre le soudanc de Babiloine, qui là devoit venir pour grever et nuire à nostre gent.

529. Li baron dou pays orent consoil et li patriarches, que il se iroient combatre à li, avant que li soudans de Babiloinne deust venir. Et pour aus aidier, il envoierent querre le soudanc de la Chamelle3, l'un des meillours chevaliers qui fust en toute paiennime, auquel il firent si grant honour en Acre que il li estendoient les dras d'or et de soie par où il devoit aler. Il en vindrent jusques à Jaffe, nostre gent et li soudans avec aus.

530. Li patriarches tenoit escommenié le conte Gautier, pour ce que il ne li vouloit rendre une tour que il avoit en Jaffe, que l'on appeloit la tour le patriarche. Nostre gent prierent le conte Gautier que il alast avec aus pour combatre à l'empereour de Perse; et il dist que si feroit-il volentiers, mais que li patriarches l'absousist jusques à lour revenir. Onques li patriarches n'en vout riens faire; et toutevoiz s'esmut li cuens Gautiers et en ala avec aus. Nostre gent firent trois

1. L'ancienne Tibériade.

2. Safad (Palestine).

3. Malek-Mansour, soudan de la Chamelle ou Emesse.

« AnteriorContinua »