Imatges de pàgina
PDF
EPUB

« le faites, que il ne fait à nous d'un grant, qui n'en <«< cognoissons point, et qui soumes si aveugle que << nous cuidons estre quite de tous nos pechiez se <«< nous nous poons laver en yaue avant que nous << mouriens, pour ce que Mahommez nous dit à la << mort que par yaue seriens sauf. >>

449. Jehans li Ermins estoit en ma compaingnie, puis que je reving d'outre mer, que je m'en aloie à Paris. Aussi comme nous mangiens en paveillon, une grans tourbe de povres gens nous demandoient pour Dieu, et fesoient grant noise. Uns de nos gens, qui là estoit, commanda et dist à un de nos vallez : « Lieve « sus, et chace hors ces povres. »

[ocr errors]

450. << A! fist Jehans li Ermins, vous avez trop << mal dit; car se li roys de France nous envoioit <<< maintenant par ses messaiges à chascun cent mars « d'argent, nous ne les chaceriens pas hors; et vous << chaciés ceus envoiez qui vous offrent qu'i vous dour<< ront quanque l'on vous puet donner : c'est à savoir << que il vous demandent que vous lour donnez pour « Dieu, c'est à entendre que vous lour donnez dou << vostre, et il vous dourront Dieu. Et Diex le dist de << sa bouche, que il ont pouoir de li donner à nous; «<et dient li saint que li povre nous peuent acorder « à li, en tel maniere que, ainsi comme l'yaue estaint <«<le feu, l'aumosne estaint le pechié. Si ne vous aviei«gne jamais, dist Jehans, que vous chaciés les po<< vres ainsi; mais donnés-lour, et Diex vous donra. »

[ocr errors]

i

MENACES DU VIEUX DE LA MONTAGNE.

189

LXXXIX. ENVOYÉS DU VIEUX DE LA MONTAGNE; RÉPONSE A LEURS MENACES.

451. Tandis que li roys demouroit en Acre, vindrent li messaige au Vieil de la Montaingne1 à li. Quant li roys revint de sa messe, il les fist venir devant li. Li roys les fist asseoir en tel maniere, que il avoit un amiral devant, bien vestu et bien atournei; et darieres son amiral avoit un bachelier bien atournei, qui tenoit trois coutiaus en son poing, dont li uns entroit ou manche de l'autre ; pour ce que se li amiraus eust estei refusez, il eust presentei au roy ces trois coutiaus pour li deffier. Dariere celi qui tenoit les trois coutiaus, avoit un autre qui tenoit un bouqueran entorteillié entour son bras, que il eust aussi presentei au roy pour li ensevelir, se il eust refusée la requeste au Vieil de la Montaigne.

452. Li roys dist à l'amiral que il li deist sa volentei; et li amiraus li bailla unes lettres de creance, et dist ainsi Mes sires m'envoie à vous demander << se vous le cognoissiés. » Et li roys respondi que il ne le cognoissoit point, car il ne l'avoit onques veu; mais il avoit bien oy parler de li. « Et, quant vous << avez oy parler de mon signour, dist li amiraus, je << me merveil mout que vous ne li avez envoié tant dou vostre que vous l'eussiez retenu à ami, aussi

1. Voy. 8 249.

<< comme l'emperieres d'Alemaingne, li roys de Hon. «guerie, li soudans de Babiloine et li autre li font << touz les ans; pour ce que il sont certein que il ne << peuent vivre mais que tant comme il plaira à mon << signour. >>

453. « Et se ce ne vous plait à faire, si le faites aquitier dou treu que il doit à l'Ospital et au Tem«ple, et il se tenra apaiez de vous. » Au Temple et à l'Ospital il rendoit lors treu, pour ce que il ne doutoient riens les Assacis, pour ce que li Viex de la Montaingne n'i puet riens gaaignier se il fesoit tuer le maistre dou Temple ou de l'Ospital; car il savoit bien que se il en feist un tuer, l'on y remeist tantost un autre aussi bon. Et pour ce ne vouloit-il pas perdre les Assacis en lieu là où il ne puet riens gaaingnier. Li rois respondi à l'amiral que il revenist à la relevée.

454. Quant li amiraus fu revenus, il trouva que li rois seoit en tel maniere, que li maistres de l'Ospital li estoit d'une part, et li maistre dou Temple d'autre. Lors li dist li roys que il li redeist ce que il li avoit dit au matin; et il dist que il n'avoit pas consoil dou redire, mais que devant ceus qui estoient au matin avec le roy. Lors li distrent li dui maistre : « Nous < vous commandons que vous le dites. » Et il lour dist que il le diroit, puis que il le commandoient. Lors li firent dire li dui maistre en sarrazinnois, que il venist l'endemain parler à aus en l'Ospital; et il si fist.

« AnteriorContinua »