CONFIDENCE DU ROI A JOINVILLE. 181 << mourrez-vous? » Et je li dis que oyl, « se je puis <<ne dou mien ne de l'autruy. Or soiés touz aises, << dist-il, car je vous sai mout bon grei de ce que vous << m'avez loei; mais ne le dites à nullui toute celle << semaine. >> 434. Je fu plus aises de celle parole, et me deffendoie plus hardiement contre ceus qui m'assailloient. On appelle les païsans dou païs, poulains; dont mes sires Pierres d'Avalon, qui demouroit à Sur, oy dire que on me appeloit poulain pour ce que j'avoie conseillié au roy sa demourée avecques les poulains. Si me manda mes sires Pierres d'Avalon que je me deffendisse vers ceus qui m'apeloient poulain, et lour deisse que j'amoie miex estre poulains que roncins recreus, aussi comme il estoient. LXXXV. LE ROI ANNONCE QU'IL RESTE EN TERRE SAINTE. 435. A l'autre dymanche, revenimes tuit devant le roy; et quant li roys vit que nous fumes tuit venu, si seigna sa bouche et nous dist ainsi (après ce que il ot appelei l'aide dou Saint-Esperit, si comme je l'entent; car ma dame ma mere me dist que toute fois que je vourroie dire aucune chose, que je appelasse l'aide dou Saint-Esperit, et que je seignasse ma bouche). 436. La parole le roy fu teix: « Signour, fist-il, je « vous merci mout à touz ceus qui m'ont loei m'alée <<< en France, et si rent graces aussi à ceus qui m'ont <loei ma demourée; mais je me sui avisiez que se je << demeur je n'i voy point de peril que mes royaumes « se perde; car ma dame la royne a bien gent pour le << deffendre. Et ai regardei aussi que li baron de cest « païs dient, se je m'en voi, que li royaumes de Jeru<< salem est perdus ; que nulz n'i osera demourer après << moy. 437. «Si ai regardei que à nul fuer je ne lairoie le << royaume de Jerusalem perdre, lequel je sui venuz << pour garder et pour conquerre; si est mes consaus «teix, que je sui demourez, comme à orendroit. Si « di-je à vous, riche home qui ci estes, et à touz au<<< tres chevaliers qui vourront demourer avec moy, << que vous veigniez parler à moy hardiement; et je vous «< donrai tant, que la coulpe n'iert pas moie, mais vos« tre, se vous ne voulez demourer. » Mout en y ot qui oïrent ceste parole, qui furent esbahi; et mout en y ot qui plorerent. LXXXVI. SAINT LOUIS DÉCIDE LE DÉPART DE SES FRÈRES; IL RETient joinville a ses gages. 438. Li roys ordena, si comme l'on dist, que sui frere retourneroient en France. Je ne sai se ce fu à lour requeste, ou par la volentei dou roy. Ceste parole que li roys dist de sa demourée, ce fu entour la |