LE ROI CONSULTE SUR SON RETOUR.

175

LXXXII. LE RETOUR DU ROI EST MIS EN DÉLIBÉRATION.

419. En ce point que nous estiens en Acre, envoia li roys querre ses freres et le conte de Flandres1, et les autres riches homes, à un dymanche, et lour dist ainsi: «Signour, ma dame la royne ma mere m'a << mandei et prié, tant comme elle puet, que je m'en << voise en France, car mes royaumes est en grant << peril: car je n'ai ne paiz ne treves au roi d'Angle<< terre. Cil de ceste terre à cui j'en ai parlei, m'ont << dit que se je m'en voi, cestesterre est perdue; car il << s'en venront tuit en Acre après moy pour ce que <«< nulz n'i osera demourer à si pou de gent. Si vous « pri, fist-il, que vous y pensez; et pour ce que la << besoingne est grosse, je vous donne respit, de moy << respondre ce que bon vous semblera, jusques à d'ui << en huit jours. >>

420. Dedans ces huit jours vint li legas à moy, et me dist ainsi, que il n'entendoit mie comment li roys eust pooir de demourer; et me proia mout à certes que je m'en vousisse revenir en sa nef. Et je li respondi que je n'en avoie pooir; car je n'avoie riens, ainsi comme il le savoit, pour ce que j'avoie tout perdu en l'yaue, là où j'avoie estei pris.

421. Et ceste response ne li fis-je pas pour ce que je ne fusse mout volentiers alez avec li, mais que pour une parole que mes sires de Bollaimmont, mes

cousins germains (que Diex absoille!) me dist quant je m'en alai outre mer: « Vous en alez outre mer, << fist-il; or vous prenés garde au revenir; car nulz << chevaliers, ne povres ne riches, ne puet revenir que << il ne soit honniz, se il laisse en la main des Sarra«<zins le peuple menu Notre Signour, en laquel com<«< paingnie il est alez. » Li legas se courouça à moy, et me dist que je ne le deusse pas avoir refusei.

LXXXIII. AVIS DIVERS SOUTENUS DANS LE CONSEIL. JOINVILLE S'OPPOSE AU DÉPART.

422. Le dymanche après, revenimes devant le roy; et lors demanda li roys à ses freres, et aus autres barons et au conte de Flandres1, quel consoil il li donroient, ou de s'alée ou de sa demourée. Il respondirent tuit que il avoient chargié à mon signour Guion Malvoisin le consoil que il vouloient donner au roy. Li roys li commanda que il deist ce que il li avoient chargié ; et il dist ainsi :

423. «Sire, vostre frere et li riche home qui ci << sont, ont regardei à vostre estat, et ont veu que vous << n'avez pooir de demourer en cest païs à l'onour de << vous ne de vostre regne; que de touz les chevaliers << qui vindrent en vostre compaingnie (dont vous en

1. Voy. 8 279.

AVIS DIVERS DANS LE CONSEIL.

177

<< amenates en Cypre dous mille et huit cens), il n'en << a pas en ceste ville cent de remenant. Si vous << loent-il, sire, que vous en alez en France, et pour<< chaciés gens et deniers, par quoy vous puissés has<«<tivement revenir en cest païs, vous vengier des << ennemis Dieu qui vous ont tenu en lour prison.

424. Li roys ne se vout pas tenir à ce que mes sires Guis Malvoisin avoit dit; ains demanda au conte d'Anjou, au conte de Poitiers et au conte de Flandres, et à plusours autres riches homes qui seoient emprès aus; et tuit s'acorderent à mon signour Guion Malvoisin. Li legas demanda au conte Jehan de Japhe1, qui seoit emprès aus, que il li sembloit de ces choses. Li cuens de Japhe li proia qu'il se soufrist de celle << demande, «< pour ce, fist-il, que mes chastiaus est en marche; et se je looie au roy la demourée, l'on << cuideroit que ce fust pour mon proufit. >

425. Lors li demanda li roys, si à certes comme il pot, que il deist ce que il li en sembloit. Et il li dist que se il pooit tant faire que il peust herberge tenir aus chans dedans un an, que il feroit sa grant honour se il demouroit. Lors demanda li legas à ceus qui seoient après le conte de Japhe; et tuit s'acorderent à mon signour Guion Malvoisin.

426. Je estoie bien li quatorziemes assis encontre le legat. Il me demanda que il m'en sembloit; et je li respondi que je m'acordoie bien au conte de Japhe.

1. Voy. 8 158.

JOINVILLE. Hist. de saint Louis.

12