Imatges de pàgina
PDF
EPUB
[blocks in formation]

MALADIE DE JOINVILLE.

173

comme cil qui n'avoit plus de touz deniers pour despendre. Après ces quatre jours, li maistres vint vers moy touz rians, et me dist que il avoit retrouvei mes deniers. La maniere comment il furent trouvei, ce fu pour ce que il avoit changié le commendeour dou palais, et l'avoit envoié à un cazel que on appelle le Saffran; et cil me rendi mes deniers.

LXXXI. MALADIE DE JOINVILLE. GÉNÉROSITÉ DU COMTE DE POITIERS.

415. Li evesques d'Acre qui lors estoit (qui avoit estei nez de Provins), me fist prester la maison au curei de Saint-Michiel. Je avoie retenu Caym de Sainte-Manehot, qui mout bien me servi dous ans, miex que hom que j'eusse onques entour moy ou pays; et plusours gens avoie retenu avecques moy. Or estoit ainsi que il avoit une logete, à mon chevet, par cù l'on entroit ou moustier.

416. Or avint ainsi que une contenue me prist, par quoy j'alai au lit, et toute ma mesnie aussi. Ne onques un jour toute jour je n'oy onques qui me peust aidier ne lever; ne je n'atendoie que la mort, par un signe qui m'estoit delez l'oreille: car il n'estoit nus jours que l'on n'aportast bien vingt mors ou plus ou moustier; et de mon lit, toutes les foiz que on les aportoit, je ouoie chanter, Libera me Domine. Lors je plorai et

rendi graces à Dieu, et li dis ainsi : « Sire, aourez << soies-tu de ceste soufraite que tu me fais; car mains « bobans ai eus à moy couchier et à moy lever. Et te pri, Sire, que tu m'aides, et me delivres de ceste « maladie. » Et aussi fist-il, moy et ma gent. ic 417. Après ces choses je requis à Guillemin, mon nouvel escuier, qu'il me rendist conte; et si fist-il ; et trouvai que il m'avoit bien doumagié de dix livres de tournois et de plus. Et me dist, quant je li demandai, que il les me renderoit quand il pourroit. Je li donnai congié, et li dis que je li donnoie ce que il me devoit, car il l'avoit bien deservi. Je trouvai par les chevaliers de Bourgoingne, quant ii revindrent de prison (que il l'avoient amenei en lour compaignie), que c'estoit li plus courtois lierres qui onques fust: car quant il falloit à aucun chevalier coutel ou courroie, gans ou esperons, ou autre chose, il l'aloit enbler, et puis si li donnoit.

418. En ce point que li roys estoit en Acre, se prirent li frere le roy à jouer aux deiz; et jouoit li cuens de Poitiers si courtoisement, que quant il avoit gaingnié, il fesoit ouvrir la sale et fesoit appeler les gentis homes et les gentis femmes, se nulz en y avoit, et donnoit à poingnies aussi bien les siens deniers comme il fesoit ceus que il avoit gaingniés. Et quant il avoit perdu, il achetoit par esme les deniers à ceus à cui il avoit joué, et à son frere le conte d'Anjou et aus autres; et donnoit tout, et le sien et l'autrui.

« AnteriorContinua »