Imatges de pàgina
PDF
EPUB

CONSPIRATION DES ÉMIRS.

LXIX. LA CONSPIRATION DES ÉMIRS ÉCLATE;

LE SOUDAN EST ASSASSINÉ.

145

348. Li amiral que li soudans avoit ostei de son consoil pour mettre les siens que il ot amenez d'estranges terres, pristrent consoil entre aus; et dist uns saiges hom Sarrazins en tel maniere : « Signour, << vous veez la honte et la deshonour que li soudans « nous fait, que il nous oste de l'onnour là ou ses << peres nous avoit mis. Pour laquel chose nous devons «<estre certein que, s'il se treuve dedans la forteresse << de Damiete, il nous fera penre et mourir en sa pri<«<son, aussi comme ses aious fist aus amiraus qui << pristrent le conte de Bar et le conte de Monfort. Et << pour ce vaut-il miex, si comme il me semble, que << nous le façons occirre avant qu'il nous parte des << mains. >>

349. Il alerent à ceus de la Halequa, et lour requistrent que il occeissent le soudanc, si tost comme il averoient mangié avec le soudanc, qui les en avoit semons. Or avint ainsi que après ce qu'il orent mangié, et li soudans s'en aloit en sa chambre et ot pris congié de ses amiraus, uns des chevaliers de la Halequa, qui portoit l'espée au soudanc, feri le soudanc de s'espée meismes parmi la main, entre les quatre dois, et li fendi la main jusques au bras.

1. Voy. 88 287 et 288.
2. Ou plutôt ses peres; l'aïeul de

JOINVILLE. Hist. de saint Louis.

Touran-Schal n'existait plus en 1239.

10

350. Lors li soudans se retourna à ses amiraus, qui ce li avoient fait faire, et lour dist : « Signour, je me « pleing à vous de ceus de la Hauleca, qui me vou<< loient occirre, si comme vous le pouez veoir. » Lors respondirent li chevalier de la Haulequa à une voiz au soudanc, et distrent ainsi : « Puisque tu diz que nous << te voulons occirre, il nous vaut miex que nous t'oc<< cions que tu nous occies. »

351. Lors firent sonner les nacaires, et touz li os vint demander que li soudans vouloit1. Et il lour respondirent que Damiete estoit prise et que li soudans aloit à Damiete, et que il lour mandoit que il alassent après li. Tuit s'armerent et ferirent des esperons vers Damiete. Et quant nous veismes que il en aloient vers Damiete, nous fumes à grant meschief de cuer, pour ce que nous cuidiens que Damiete fust perdue. Li soudans, qui estoit joenes et legiers, s'enfui en la tour que il avoit fait faire, avec trois de ses evesques2, qui avoient mangié avec li; et estoit la tours dariere sa chambre, aussi comme vous avés oy ci-devant.

352. Cil de la Haleca, qui estoient cinq cens à cheval, abatirent les paveillons au soudanc, et l'assegierent entour et environ dedans la tour qu'il avoit fait faire, avec trois de ses evesques qui avoient mangié avec li, et li escrierent qu'il descendist. Et lors dist que si feroit-il, mais que il l'asseurassent. Et il distrent que il le feroient descendre à force, et que il n'estoit mie

1. Voy. 8 284.

2. De ses imans,

LE SOUDAN EST ASSASSINÉ.

147

dedans Damiete. Il li lancierent le feu grejois, qui se prist en la tour, qui estoit faite de planches de sapin et de toile de coton. La tours s'esprist hastivement, que onques si biau feu ne vi ne si droit. Quant li soudans vit ce, il descendi hastivement, et s'en vint fuiant vers le flum, toute la voie dont je vous ai avant parlei1.

353. Cil de la Halequa avoient toute la voie rompue à lour espées; et au passer que li soudans fist pour aler vers le flum, li uns d'aus li donna d'un glaive parmi les costes, et li soudans s'enfui ou flum, le glaive trainant. Et il descendirent là, jusques à nou, et le vindrent occire ou flum, assez près de nostre galie là où nous estiens. Li uns des chevaliers, qui avoit à non Faraquataye, le fendi de s'espée et li osta le cuer dou ventre; et lors il en vint au roy, sa main toute ensanglantée, et li dist: «Que me donras-tu? que je << t'ai occis ton ennemi, qui t'eust_mort, se il eust << vescu. Et li roys ne li respondi onques riens.

LXX. LA VIE DES PRISONNIERS EST ENCORE MENACÉE. NOUVEAU TRAITÉ DU ROI AVEC LES ÉMIRS.

354. Il en vindrent bien trente, les espées toutes nues es mains, à nostre galie, et au col les haches danoises. Je demandai à mon signour Baudouin d'Ibelin,

1. Voy. 8 346.

2. Faress-eddin Octay.

« AnteriorContinua »