Imatges de pàgina
PDF
EPUB

LES PRISONNIERS CONDUITS AU CAMP.

143

roient ainsi. Et maintenant que il orent jurei, li roys dist et promist aus amiraus que il paieroit volentiers les cinc cens mille livres pour la delivrance de sa gent, et Damiette pour la delivrance de son cors; car il n'estoit pas teix que il se deust desraimbre à deniers. Quant li soudans oy ce, il dist: « Par ma foi! larges <«<est li Frans quant il n'a pas barguignié sur si grant << somme de deniers. Or li alés dire, fist li soudans, « que je li doing cent mile livres pour la reançon << paier. >>

LXVIII. LES PRISONNIERS DESCENDENT LE FLEUVE JUSQU'AU CAMP DU SOUDAN.

344. Lors fist entrer li soudans les riches homes en quatre galies, pour mener vers Damiete. En la galie là où je fu mis, fu li bons cuens Pierres de Bretaingne, li cuens Guillaumes de Flandres, li bons cuens Jehans de Soissons, mes sires Imbers de Biaugeu, connestables de France; li bons chevaliers mes sires Baudouins d'Ybelin et mes sires Guis, ses freres, i furent mis.

345. Cil qui nous conduisoient en la galie, nous ariverent devant une herberge que li soudans avoit fait tendre sur le flum, de tel maniere comme vous orrez. Devant celle herberge, avoit une tour de parches de sapin et close entour de toile tainte; et la

porte estoit de la herberge. Et dedans celle porte, estoit uns paveillons tendus, là ou li amiral, quant il aloient parler au soudane, lessoient lour espées et lour harnois. Après ce paveillon, ravoit une porte comme la premiere, et par celle porte entroit l'on en un grant paveillon qui estoit la sale au soudanc. Après la sale, avoit une tel tour comme devant, par laquel l'on entroit en la chambre le soudanc.

346. Après la chambre le soudanc, avoit un prael; et enmi le prael, avoit une tour plus haute que toutes les autres, là où li soudans aloit veoir tout le pays et tout l'ost. Dou prael movoit une alée qui aloit au flum, là où li soudans avoit fait tendre en l'yaue un paveillon pour aler baignier 1. Toutes ces herberges estoient closes de treillis de fust, et par dehors estoient li treillis couvert de toiles yndes, pour ce que cil qui estoient dehors ne peussent veoir dedans; et les tours toutes quatre estoient couvertes de toile.

347. Nous venimes le jeudi devant l'Ascencion en ce lieu, là où ces herberges estoient tendues. Les quatre galies là où entre nous estiens en prison, ancra l'on ou devant de la herberge le soudanc. En un paveillon qui estoit assez près des herberges le soudanc descendi-on le roy. Li soudans avoit ainsi atirié : que le samedi devant l'Ascension on li renderoit Damiete, et il renderoit le roy

[merged small][ocr errors][merged small]
[ocr errors][ocr errors][ocr errors][ocr errors]
« AnteriorContinua »