point en Mahommet, ainçois croient en la loy Haali, qui fu oncles Mahommet'; et aussi y croient li Vieil de la Montaigne, cil qui nourrissent les Assacis. Et croient que quant li om meurt pour son signour ou en aucune bone entencion, que l'ame d'aus en va en meillour cors et en plus aaisié que devant; et pour ce ne font force li Assacis se l'on les occist quant il font le conmandement dou Vieil de la Montaigne 2. Dou Vieil de la Montaigne nous tairons orendroit, si dirons des Beduyns. acc 250. Li Beduyn ne demeurent en ville, ne en cités, n'en chastiaus, mais gisent adès aus chans; et lour mesnies, lour femmes, lour enfans fichent le soir de nuit, ou de jour quant il fait mal tens, en unes manieres de herberges que il font de cercles de tonniaus loiés à perches, aussi comme li cher à ces dames sont; et sur ces cercles gietent piaus de moutons que l'on appelle piaus de Damas, conrées en alun : li Beduyn meismes en ont grans pelices, qui lour cuevrent tout le cors, lour jambes et lour piés. 251. Quant il pleut le soir et fait mal tens de nuit, il s'encloent dedans lour pelices, et ostent les frains à lour chevaus, et les lessent paistre delez aus. Quant ce vient l'endemain, il restendent lour pelices au soleil 1. Voy. 88 458 à 461. Ali n'était pas l'oncle, mais le cousin de Mahomet. 2. Sur Ali, sur la secte des Assassins et sur le Vieux de la Montagne, on peut consulter le mémoire de M. Sylvestre de Sacy (Mémoires de car 3 et les frotent et les conroient; ne jà n'i perra chose que elles aient estei moillies le soir. Lour creance est teix, que nus ne puet morir que à son jour, et pour ce ne se veulent-il armer; et quant il maudient lour enfans, si lour dient: « Ainsi soies-tu maudis, comme li << Frans qui s'arme pour poour de mort1!» En bataille, il ne portent riens que l'espée et le glaive. 252. Presque tuit sont vestu de seurpeliz, aussi comme li prestre; de touailles sont entorteillies lour testes, qui lour vont par desous le menton : dont laides gens et hydeuses sont à regarder, car li chevel des testes et des barbes sont tuit noir. Il vivent dou lait de lour bestes, et achietent les pasturaiges, es berries aus riches homes, de quoy lour bestes vivent. Le nombre d'aus ne sauroit nulz nommer; car il en a ou reaume de Jerusalem et en toutes les autres terres des Sarrazins et des mescreans, à qui il rendent grans treus chascun an. 253. J'ai veu en cest païs, puis que je reving d'outre mer, aucuns desloiaus crestiens qui tenoient la loy des Beduyns, et disoient que nulz ne pouoit morir qu'à son jour; et lour creance est si desloiaus, qu'il vaut autant dire comme Diex n'ait pouoir de nous aidier, Car il seroient fol cil qui serviroient Dieu, se nous ne cuidiens que il eust pooir de nous eslongier nos vies et de nous garder de mal et de mescheance; ALERTE AU CAMP DES CROISÉS. 107 et en li devons-nous croire, que il est poissans de toutes choses faire. LII. LE CAMP EST ATTAQUÉ PENDANT LA NUIT. LE PRÊTRE DE JOINVILLE MET EN FUITE HUIT SARRASINS. 254. Or disons ainsi que à l'anuitier revenimes de la perillouse bataille desus dite, li roys et nous, et nous. lojames ou lieu dont nous aviens chacié nos ennemis.. Ma gent, qui estoient demourei en nostre ost dont nous estiens parti, m'aporterent une tente que li Templier m'avoient donnée, et la me tendirent devant les engins que nous aviens gaingniés aus Sarrazins; et li roys fist etablir serjans pour garder les engins. 255. Quant je fu couchiés en mon lit, là où je eusse bien mestier de reposer pour les bleceures que j'avoie eu le jour devant, il ne m'avint pas ainsi; car avant que il fust bien jours, l'on escria en nostre ost: « Aus << armes! aus armes! » Je fis lever mon chamberlain qui gisoit devant moy, et li diz que il alast veoir que c'estoit. Et il revint touz effraez, et me dist: « Sire, <«< or sus! or sus! que vez-ci les Sarrazins qui sont << venu à pié et à cheval; et ont desconfit les serjans le << roy qui gardoient les engins, et les ont mis dedans.. « les cordes de nos paveillons. » 256. Je me levai et jetai un gamboison en mon dos |