Imatges de pàgina

To Danao and Egistes also— 26oo
Al-thogh so be that they were brethren two, (40)
For thilke tyme nas spared no linage—
Hit lyked hem to maken mariage
Betwix Ypermistra and him Lino,
And casten swiche a day hit shal be so ; 2605
And ful acorded was hit witterly;
The array is wroght, the tyme is faste by.
And thus Lino hath of his fadres brother
The doghter wedded, and eche of hem hath other.

The torches brennen and the lampes brighte, 26 Io
The sacrifices been ful redy dighte; (50)
Thencens out of the fyre reketh sote,
The flour, the leef is rent up by the rote
To maken garlands and corounes hye;
Ful is the place of soun of minstralcye, 2615
Of songes amorous of mariage,
As thilke tyme was the pleyn usage.
And this was in the paleys of Egiste,
That in his hous was lord, right as him liste;
And thus the day they dryven to an ende ; 262o
The frendes taken leve, and hoom they wende. (60)
The night is come, the bryd shal go to bedde;
Egiste to his chambre faste him spedde,
And privily he let his doghter calle.
Whan that the hous was voided of hem alle, 26.25
He loked on his doghter with glad chere,
And to her spak, as ye shul after here.

“My righte doghter, tresor of myn herte
Sin first that day that shapen was my sherte,
Or by the fatal sustren had my dom, 2630
So ny myn herte never thing me com 70)
As thou, myn Ypermistra, doghter dere !
Tak heed what I thy fader sey thee here,

[ocr errors][ocr errors]

And werk after thy wyser ever-mo.
For alderfirste, doghter, I love thee so 2635
That al the world to me nis half so leef;
Ne I nolde rede thee to thy mischeef
For al the gode under the colde mone ;
And what I mene, hit shal be seid right Sone,
With protestacioun, as in this wyse, 2640
That, but thou do as I shal thee devyse, (80)
Thou shalt be deed, by him that al hath wroght ! .
At shorte wordes, thou nescapest noght
Out of my paleys, or that thou be deed,
But thou consente and werke after my reed; 2645
Tak this to thee for ful conclusioun.’
This Ypermistra caste her eyen doun,
And quook as dooth the leef of aspe grene;
Deed wes her hewe, and lyk as ash to sene,
And seyde, ‘lord and fader, al your wille, 265o
After my might, god wot, I shal fulfille, (90)
So hit to me be no confusioun.’
‘I nil,’ quod he, “have noon excepcioun ;'
And out he caughte a knyf, as rasour kene;
“Hyd this,' quod he, “that hit be nat y-sene; 2655
And, whan thyn husbond is to bedde y-go,
Whyl that he slepeth, cut his throte a-two.
For in my dremes hit is warned me
How that my nevew shal my bane be,
But whiche I noot, wherfor I wol be siker. 2660
Yif thou sey nay, we two shul have a biker (1oo)
As I have seyd, by him that I have sworn.”
This Ypermistra hath ny her wit forlon;
And, for to passen harmles of that place,
She graunted him; ther was non other grace. 2665
And therwith-al a costrel taketh he,
And seyde, “herof a draught, or two or three,

[ocr errors]

Yif him to drinke, whan he goth to reste,
And he shal slepe as longe as ever thee leste,
The narcotiks and opies been so stronge: 2670
And go thy wey, lest that him thinke longe.” (110)
Out comth the bryd, and with ful sober chere,
As is of maidens ofte the manere,
To chambre is broght with revel and with songe,
And shortly, lest this tale be to longe, 2675
This Lino and she ben sone broght to bedde;
And every wight out at the dore him spedde.
The night is wasted, and he fel a-slepe;
Ful tenderly beginneth she to wepe.
She rist her up, and dredfully she quaketh, 268o
As doth the braunche that Zephirus shaketh, (120)
And husht were alle in Argon that citee.
As cold as any frost now wereth she ;
For pite by the herte her streyneth so,
And dreed of death doth her so moche wo, 2685
That thryes doun she fil in swiche a were.
She rist her up, and stakereth heer and there,
And on her handes faste loketh she.
“Allas ! and shul my handes blody be?
I am a maid, and, as by my nature, 2690
And by my semblant and by my vesture, (130)
Myn handes been nat shapen for a knyf,
As for to reve no man fro his lyf.
What devil have I with the knyf to do?
And shal I have my throte corve a-two P 2695
Than shal I blede, allas ! and me beshende;
And nedes cost this thing mot have an ende;
Or he or I mot nedes lese our lyf.
Now certes,’ quod she, “sin I am his wys,

[ocr errors]

And hath my feith, yit is it bet for me 27oo
For to be deed in wyfly honestee (140)
Than be a traitour living in my shame.
Be as be may, for ernest or for game,
He shal awake, and ryse and go his way
Out at this goter, or that hit be day !’— 2705
And weep ful tenderly upon his face,
And in her armes gan him to embrace,
And him she roggeth and awaketh softe ;
And at the window leep he fro the lofte
Whan she hath warned him, and doon him bote. 271o
This Lino swifte was, and light of fote, (150)
And from his wyf he ran a ful good pas.
This sely woman is so wayk, allas !
And helples so, that, or that she fer wente,
Her cruel fader dide her for to hente. 2715
Allas ! Lino why art thou so unkinde P
Why ne haddest thou remembred in thy minde
To taken her, and lad her forth with thee?
For, whan she saw that goon awey was he,
And that she mighte nat so faste go, 27.20
Ne folwen him, she sette her doun right tho, (160)
Til she was caught and fetered in prisoun.
This tale is seid for this conclusioun .


2709. C. T. A. at a (for at the). 2712. So T. A.; C. from his wif ran; rest from her ran. 2714. C. A. or that; rest om. that. C. forth (for fer). 2717. C. T. haddist; rest hast. 2718. C. T. To ; rest And. 272 I. Addit. (12524), sette hyr; C, set hire; T. A. sat hyr; rest sate (om. her). 2722. F. Tn. Th. And til (for Til); B. And then.



ITELL Lowis my sone, I have perceived wel by certeyne evidences thyn abilite to lerne sciencez touchinge noumbres and proporciouns; and as wel considere I thy bisy preyere in special to lerne the Tretis of the Astrolabie. Than, for as mechel as a philosofre seith, “he wrappeth him in his frend, that condescendeth to the rightful preyers of his frend,’ ther-for have I geven thee a suffisaunt Astrolabie as for oure orizonte, compowned after the latitude of Oxenford; up-on which, by mediacion of this litel tretis, I purpose to teche thee a certein nombre of conclusions apertening to the same instrument. I seye a certein of conclusiouns, for three causes. The furste cause is this : truste wel that alle the conclusiouns that han ben founde, or elles possibly mighten be founde in so noble an instrument as an Astrolabie, ben un-knowe perfitly to any mortal man in this regioun, as I suppose. A-nother cause is this; that sothly, in any tretis of the Astrolabie that I have seyn, there ben some conclusions that wole nat in alle thinges performen hir bihestes; and some of hem ben to harde to thy tendre age of ten yeer to conseyve. This tretis, divided in fyve

Little Lewis my son, I perceive that thou wouldst learn the Conclusions of the Astrolabe; wherefore I have given thee an instrument constructed for the latitude of Oxford, and purpose to teach thee some of these conclusions. I say some, for three reasons; (1) because some of them are unknown in this land; (2) because some are uncertain ; or else (3) are too hard. This treatise, divided into five

[merged small][ocr errors][ocr errors][ocr errors][ocr errors]
« AnteriorContinua »