Et rege eos, & extolle illos usque in æternum.
Per singulos dies benedicimus te.

Et laudamus nomen tuum in seculum, & in seculum seculi.
Dignare Domine die isto, sine peccato nos custodire.
Miserere nostri Domine: miserere nostri.

Fiat misericordia tua Domine super nos, quemadmodum speravimus in te.

In te Domine speravi, non confundar in æternum.

Aut Hymnus.

BENEDICITE Omnia opera Domini Domino, laudate & su- Dani. 3. perexaltate eum in secula.

Benedicite angeli Domini Domino, laudate & superexaltate eum in secula.

Benedicite cæli Domino, laudate & superexaltate eum in

secula.

Benedicite aquæ omnes quæ super cœlos sunt Domino : laudate & superexaltate eum in secula.

Benedicite omnes virtutes Domini Domino : laudate & superexaltate eum in secula.

Benedicite Sol & luna Domino: laudate & superexaltate eum in secula.

Benedicite stellæ cœli Domino: laudate & superexaltate eum in secula.

Benedicite omnis imber & ros Domino: laudate & superexaltate eum in secula.

Benedicite omnis spiritus Dei Domino: laudate & superexaltate eum in secula.

Benedicite ignis & æstus Domino : laudate & superexaltate eum in secula.

Benedicite frigus & æstas Domino : laudate & superexaltate eum in secula.

Benedicite rores & pruina Domino : laudate & superexaltate eum in secula.

Benedicite gelu & frigus Domino: laudate & superexaltate eum in secula.

Benedicite glacies & nives Domino : laudate & superexaltate eum in secula.

Benedicite noctes & dies Domino : laudate & superexaltate eum in secula.

Luce. 1.

Benedicite lux & tenebræ Domino: laudate & superexaltate eum in secula.

Benedicite fulgura & nubes Domino : laudate & superexaltate eum in secula.

Benedicat terra Dominum laudet & superexaltet eum in

secula.

Benedicite montes & colles Domino : laudate & superexaltate eum in secula.

Benedicite universa germinantia in terra Domino: laudate & superexaltate eum in secula.

Benedicite fontes Domino: laudate & superexaltate eum in secula.

Benedicite maria & flumina Domino : laudate & superexaltate eum in secula.

Benedicite cete & omnia quæ moventur in aquis Domino : laudate & superexaltate eum in secula.

Benedicite omnes volucres cœli Domino : laudate & superexaltate eum in secula.

Benedicite omnes bestiæ & pecora Domino : laudate & superexaltate eum in secula.

Benedicite filii hominum Domino : laudate & superexaltate eum in secula.

Benedicat Israel Dominum laudet & superexaltet eum in secula.

Benedicite sacerdotes Domini Domino: laudate & superexaltate eum in secula.

Benedicite servi Domini Domino: laudate & superexaltate eum in secula.

Benedicite spiritus & animæ justorum Domino: laudate & superexaltate eum in secula..

Benedicite sancti & humiles corde Domino: laudate & superexaltate eum in secula.

Benedicite Anania, Azaria, Misael Domino : laudate & superexaltate eum in secula.

Gloria Patri & Filio: et Spiritui sancto.

Sicut erat in principio et nunc & semper : & in secula seculorum. Amen.

Deinde sequatur lectio secunda, qua finita, canatur Hymnus
Zachariæ.

BENEDICTUS Dominus Deus Israel : quia visitavit & fecit redemptionem plebi suæ.

Et erexit cornu salutis nobis: in domo David pueri sui. Sicut locutus est per os sanctorum: qui a seculo sunt prophetarum ejus.

Salutem ex inimicis nostris : & de manu omnium qui oderunt nos.

Ad faciendam misericordiam cum patribus nostris : & memorari testamenti sui sancti.

Jusjurandum quod juravit ad Abraham patrem nostrum : daturum se nobis.

Ut sine timore de manu inimicorum nostrorum liberati : serviamus illi,

In sanctitate & justitia coram ipso : omnibus diebus nostris.

Et tu puer Propheta Altissimi vocaberis præibis enim ante faciem Domini, parare vias ejus.

Ad dandam scientiam salutis plebi ejus : in remissionem peccatorum eorum.

Per viscera misericordiæ Dei nostri in quibus visitavit nos oriens ex alto.

Illuminare his qui in tenebris & in umbra mortis sedent: ad dirigendos pedes nostros in viam pacis.

Gloria Patri & Filio & Spiritui sancto.

Sicut erat in principio, & nunc & semper : & in secula seculorum. Amen.

Aut Psalmus.

Psalm 100.

Deinde dicatur, Ministro & Populo stantibus

CREDO in Deum Patrem omnipotentem, creatorem cœli Et in Jesum Christum Filium ejus unicum Dominum nostrum. Qui conceptus est de Spiritu Sancto, natus ex Maria virgine. Passus sub Pontio Pilato : crucifixus, mortuus, & sepultus, descendit ad inferna. Tertia die resurrexit a mortuis, ascendit ad cœlos, sedet ad dexteram Dei Patris omnipotentis. Inde venturus est judicare vivos & mortuos. Credo in Spiritum sanctum. Sanctam Ecclesiam Catholicam. Sanctorum communionem. Remissionem peccatorum. Carnis resurrectionem. Et vitam æternam. Amen.

Post hæc sequuntur per totum annum, ad Matutinas & Vespertinas, hæ preces, omnium genibus religiose flexis.

Minister. Dominus vobiscum.
Responsio. Et cum spiritu tuo.

Minister.

rie eleyson.

Oremus. Kyrie eleyson, Christe eleyson, Ky

Deinde a Ministro & tota Ecclesia dicatur alta voce.

Pater noster qui es in Colis. &c.

Minister erigens se, dicet.

Ostende nobis Domine misericordiam tuam.
Responsio. Et salutare tuum da nobis.
Minister. Domine salvam fac Reginam.

Responsio. Et exaudi nos cum invocamus te.
Minister. Sacerdotes tui induantur Justitia.

Responsio. Et sancti tui exultent.

Minister. Salvum fac Populum tuum Domine.
Responsio. Et benedic Hæreditati tuæ.

Minister. Da pacem Domine in diebus nostris. Responsio. Quia non est alius qui pugnet pro nobis, nisi tu Deus noster.

Minister. Cor mundum crea in nobis O Deus.

Responsio. Et Spiritum sanctum tuum ne auferas a nobis.

Has preces sequentur quotidie tres Collectæ. Prima de Die, ea scilicet quæ assignatur dicenda ad Communionem eo die. Altera pro pace. Tertia pro gratia Dei, perseverantia in Fide & vera doctrina. Posteriores autem duæ nunquam mutantur, sed per integrum annum dicuntur ad Matutinas & Vesperas.

Collecta pro Pace.
Minister.

Oremus.

DEUS auctor pacis & amator, quem nosse, vivere; cui servire, regnare est: protege ab omni oppugnatione supplices tuos, ut qui in tua protectione confidimus, nullius hostilitatis arma timeamus. Per Christum Dominum nostrum. Amen.

Collecta pro Gratia.

DOMINE Sancte, Pater omnipotens, æterne Deus, qui nos ad principium hujus diei pervenire fecisti, tua nos hodie serva virtute, ut in hac die ad nullum declinemus mortale peccatum,

nec ullum incurramus periculum, sed semper ad tuam justitiam faciendam omnis nostra actio tuo moderamine dirigatur. Per Jesum Christum Do. nostrum. Amen.

In festis Natalis Domini, Epiphaniæ, Mathiæ, Paschatis, Ascensionis, Pentecostes, Trinitatis, Joannis Baptistæ, S. Jacobi, S. Bartholomæi, S. Matthæi, Simonis & Judæ, & S. Andreæ, ad Matutinas statim post Benedictus canetur Symbolum Athanasii.

QUICUNQUE Vult salvus esse: ante omnia opus est ut teneat Catholicam fidem.

Quam nisi quisque integram inviolatamque servaverit : absque dubio in æternum peribit.

Fides autem Catholica hæc est, ut unum Deum in trininate, & Trinitatem in unitate veneremur.

Neque confundentes personas: neque substantiam sepa

rantes.

Alia est enim persona Patris : alia Filii, alia Spiritus sancti. Sed Patris & Filii & Spiritus sancti una est divinitas : æqualis gloria, coeterna majestas.

Qualis Pater, talis Filius: talis Spiritus sanctus.

Increatus Pater, increatus Filius: increatus Spiritus

sanctus.

Immensus Pater, immensus Filius: immensus Spiritus

sanctus.

Æternus Pater, æternus Filius: æternus Spiritus sanctus. Et tamen non tres æterni: sed unus æternus.

Sicut non tres increati, nec tres immensi : sed unus increatus, & unus immensus.

Similiter, omnipotens Pater, omnipotens Filius: omnipotens Spiritus sanctus.

Et tamen non tres omnipotentes : sed unus omnipotens. Ita Deus Pater, Deus Filius: Deus Spiritus sanctus. Et tamen non tres dii: sed unus est Deus.

Ita Dominus Pater, Dominus Filius: Dominus Spiritus

sanctus.

Et tamen non tres Domini: sed unus est Dominus. Quia sicut singulatim unamquanque personam Deum ac Dominum confiteri Christiana veritate compellimur: ita tres deos aut dominos dicere catholica religione prohibemur.

Pater a nullo est factus: nec creatus nec genitus.

Filius a Patre solo est: non factus, nec creatus, sed genitus.