APPENDICES. ENSEIGNEMENT DE SAINT LOUIS A SA FILLE ISABELLE. T Chière fille, pour che que je quit que vous retendrez plus volentiers de moy, pour l'amour que vous avez à moy, que vous ne feriez de pluisours autres, j'ay pensé ke je vous fache aucuns enseignemens escris de ma main. Chière fille, je vous enseigne que vous amez Nostre-Signeur de tout vostre cuer et de tout vostre pooir 2; car sans chou 3 nus ne puet rien valoir, nule cose ne puet bien estre amée ne si droiturièrement 4 ne si proufitablement. Ch'est li sires à qui toute créature puet dire « Sire, vous estes mes Diex, vous n'avez mestier 5 de nul de mes biens. Chou est li sires qui envoya son fill en terre et le livra à mort pour nous délivrer de la mort d'infer. Chière fille, se vous l'amez, li pourfil 6 en sera vostres. Mout est la créature desvoiie 7 qui aillors met l'amour de son cuer, fors en luy ou desous luy. Chière fille, la mesure dont nous le devons amer, si est amer sans mesure. Il a bien déservy 8 que nous l'amons, car il nous ama premiers. Je vaurroi 9 ke vous seussiez bien penser as œvres ke li benoiet fius Dieu to fist pour nostre raenchon. 250 ENSEIGNEMENT DE SAINT LOUIS I Chière fille, aiiés grant désirier comment vous li puissiez plus plaire, et metez grant entente à eschiver toutes les coses que vous cuiderez qui li doivent desplaire. Espéciaument 2 vous devez avoir cheste volenté ke vous ne feriez péchié mortel pour nule cose qui peust avenir; et ke vous vous laisseriez anchois 3 les membres couper, et la vie tolir 4 par cruel martire, que vous le fesissiez à ensient 5. Chière fille, acoustumez-vous souvent à confesser, et eslisiez tous jours confessours qui soient de sainte vie et de souffisant lettrure 6, par qui vous soiiez ensignée et doctrinée des coses que vous devez eschiever et des coses ke vous devez faire. Et soiiez de tel manière par quoy vostre confessours et vostre autre ami vous osent ensignier et reprendre. Chière fille, oyez volentiers le servise de sainte Glise; et quant vous serez au moustier, gardez-vous de muser et de dire vaines paroles. Vos orisons dites en pais ou par bouche ou par pensée, et espéciaument entruès con 7 li corps nostre signour Jhésu-Cris sera présens à la messe, soiiez plus en pais et plus ententive à orison, et une pièche devant. Chiere fille, oyez volentiers parler de Nostre-Signour en sermons et en privez parlemens. Toutevoye 8 privez parlemens eschivez, que 9 de gens mout eslevez en bontez et en sainteez. Pourcachiez 10 volentiers les pardons. Chière fille, se vous avez aucune persécution ou de maladie ou d'autre cose, en quoy vous ne puissiez metre conseil en bone manière, souffrez-le débonnairement, et en merchiiez Nostre-Signeur et l'en sachiez bon gré; car vous devez quider ke ch'est pour vostre bien, et devez quider que vous l'aiiez déservi 12 et plus, se il vausist 13, pour chou 14 que vous l'avez pau 15 amé et pau servi et avez maintes coses faictes contre sa volenté. Se vous avez aucune prospérité ou de santé de cors ou d'autre cose, merchiiez-ent Nostre |