liberis ejus omnibus, in saxum obduruit. Quo quidem cognito, unus e vulgo Lycios rusticos in ranas a Latona versos, alter Marsyam ab Apolline excoriatum in memoriam revocavit. Nioben luget Pelops, cui humerus eburneus datus erat. Sed ad consolandos Thebanos urbium finitimarum legati convenerunt. Soli deerant Athenienses, quoniam a barbaris agminibus infestabantur, quos Tereus fudit, cui Pandion Procnen in matrimonium dedit. Is alio tempore Athenas reversus, quum Philomelam, uxoris sororem, secum abduxisset, ea stuprata, aliisque facinoribus perpetratis, in upupam est transformatus, quemadmodum Philomela in lusciniam, Procne in hirundinem. Quæ res Pandioni intellecta mortem attulit. Huic in regno successit Erechtheus, cujus filiam Orithyiam Boreas rapuit, atque ex rapta Calain procreavit et Zethen, qui in Argonautarum numero fuerunt, quum

Lib. VII. Jason, victis Medere auxilio tauris ignem vomentibus, seminatis serpentis dentibus, e quibus homines armati prodierunt, et dracone sopito, vellus aureum retulit. Medea, Jasonem in Græciam comitata, soni medicamentorum ope juventutem reddidit, eamdemque Peliæ pollicita, præmisso arietis in agnum reformati specimine, dolo eum occidit. Inde per varia loca multis insignia transformationibus delata, post occisos liberos Ægeo nupsit sub adventum Thesei, quem pæne veneno interfecisset. Ægei gaudia de filio recepto turbat Minos, bellum contra eum parans, collectis undique copiis, etiam e Paro, ubi Arne in monedulam fuerat conversa, Eacumque in partes suas trahere cupiens. At ille ab Egeo stetit, et ad eum Myrmidones suos, post gravem pestem e formicis ortos, auxilio misit, duce Cephalo Atheniensi, qui Phoco, Æaci filio, narrat, quomodo ab Aurora et raptus et alia forma indu

tus, Procrin uxorem in adulterium pellexerit, ab eaque ex fuga reversa canem et jaculum acceperit, quorum ille cum vulpe Thebana in saxum conversus sit, hoc autem a se imprudente missum uxorem interfecerit.

Lib. VIII. Minoi interim Megaram obsidenti Scylla, amore ejus capta, patriam cum crine Nisi patris purpureo prodit; sed spreta ab illo quum abeuntis navi inhæreret, in cirin avem, pater autem in haliaeton mutantur. Reversus Minos in Cretam Minotaurum, opprobrium generis sui, labyrintho Dædali arte posito, includit, et Atticis pueris pascit, e quibus Theseus monstrum interficit, atque Ariadnen, cujus ope ex labyrintho se expediverat, secum e patria ductam in Dia insula relinquit, ubi eam Bacchus assumit, ejusque coronam inter sidera collocat. Dædalus vero quum ex insula illa aufugere non posset, alis inventis evolavit, sed Icarus post patrem volans submersus est. Ejus exsequias celebrantem vidit patrem, gaudiumque testata est perdix, e Perdice aut Talo, ingenioso multarum rerum inventore, quem Dædalus invidia motus ex arce Minervæ præcipitem miserat, transformata. Theseus interea, quum celeberrimus jam esset, ad aprum Calydonium tollendum vocatus est, quem Atalanta prima vulneravit. Meleager autem interfecit, cujus mortem acceleravit Althea mater, combusto stipite fatali. Theseus ex ista venatione rediens ad Acheloum devertitur et Echinades insulas conspicit, in quas Naiades erant conversæ. Quod ita fieri potuisse, negante Pirithoo, Lelex primum Baucidis et Philemonis probat exemplo, qui in arbores fuerint commutati, sicut domus eorum in templum, ac pagus ipse in stagnum. Achelous deinde Protei et Mestra, Erisichthona, patrem fame furentem, alentis naturam transformem addit.

Lib. IX. Tum suas formas refert, quas quondam muta

tans.

verat, quum ipsum premeret Hercules, de Dejanira cerHanc victori in patriam redeunti Nessus rapere voluit; sed Herculis sagitta venenata confossus cecidit, et, ne inultus periret, raptæ vestem dedit sanguine suo tinctam. Ea dubitans aliquanto post de mariti amore, vestem ei misit eamdem, qua indutus quum concremaretur, et Lichas famulus ab eo per aëra missus in saxum obriguisset, periit, et, renovata ejus facie, in cœlum est traductus. Tum Alcmena mater ad, Iolen nurum se contulit, eique Galanthidem in mustelam, et illa vicissim Dryopen sororem suam in loton conversam narravit. Interim supervenit ipsis Iolaus, reparata per Heben juventute: id quod non posse omnibus contingere, Jupiter Æaci exemplo docet. Hunc fugiens Miletus in Asiam discessit, et Byblidem procreavit atque Caunum; cujus illa desiderio tabefacta in fontem transiit. Quæ quidem res magis mira cunctis visa esset, nisi paulo ante Iphis, ipso nuptiarum die, virilem sexum accepisset.

Lib. X. His nuptiis qui interfuerat Hymenæus ad Orpheum inde se contulit, sed malo omine, quandoquidem mox obiit Eurydice, neque ad superos reduci potuit. Mærore igitur perculsus Orpheus montes solitarios petiit, quo, sono lyræ ejus impulsæ, accurrerunt arbores, et inter cæteras pinus ex Aty atque cupressus e Cyparisso mutata. Canebat autem ille de raptu Ganymedis, de Hyacinthi, ab Apolline amati et interfecti, in hyacinthum florem, de Cerastarum in tauros, de Propœtidarum in lapides, de Pygmalionis statua in mulierem vivam (unde natus Paphus,) de Myrrha, propter incestum cum patre concubitum, in Myrrham arborem, atque de Adonidis, cui Venus Hippomenis et Atalantæ in templo concumbentium in leones transformationes narraverat, in anemonem mutatione.

VOL. III.

h

Lib. XI. Hinc Thraciæ mulieres quum Orphea discerpsissent, serpente, qui os ejus petebat, in lapidem mutato, in arbores conversæ sunt a Baccho, qui, relicta, ob interfectum vatem, Thracia, in Phrygiam se contulit, ubi Midas, cui pro Sileno restituto auri copiam fecit. Cujus quum illum pœniteret, in Pactolo lotus arenas ejus aureas reddidit. Postea Phoebus pro iniquo judicio aures illi asininas tribuit. Quo facto, Trojam profectus Apollo, Laomedontem muros Trojanos exstruentem adjuvit. Filiam ejus Hesionen, saxo alligatam, liberavit Hercules, conjugem autem duxit Telamon, quemadmodum Peleus Thetida transformem. Is ad Ceycem postea profectus, Dædalionem in accipitrem, et lupum in saxum conversum, partim intellexerat, partim ipse viderat. Sed Ceyx in itinere ad oraculum Clarium suscepto periit naufragio. Accidit deinde, ut Halcyone, marito post naufragium sub Morphei figura secundum quietem conspecto, in halcyonen avem, sicut et maritus, mutaretur. Quos volantes quum animadvertissent quidam, Æsacum, Priami filium, quondam in mergum, qui tum forte aderat, meminere transformatum.

Lib. XII. Huic tum Priamus pater, tanquam mortuo, exsequias fecit una cum filiis, excepto Paride, qui in Græciam profectus Helenam rapuit. Raptorem secuti sunt Græci, postquam Aulide, serpente quodam in lapidem mutato, Dianam placare voluerant Iphigenia oblata, cui vero mutatæ Dea substituit cervam. Trojani quum fama adventum Græcorum cognovissent, armati eos exspectant. Primo statim congressu Cycnus, ab Achille super lapidem necatus, convertitur a Neptuno in avem sui nominis. Is autem, qui telo nullo violari potuerat, in convivio heroum Nestori in memoriam revocabat tam Canea, invulnerabilem et ipsum, atque primum e femina in marem, deinde

in prælio, quum arborum mole obrueretur, in avem conversum, quam omnino pugnam Centaurorum cum Lapithis, quorum pars Cæneus fuerat. His appendicula addita de Periclymeno in aquilam transformato. Neptunus vero Cycni mortem dolens exoravit Apollinem, ut Paridis sagittam in Achillem flecteret, qua ille periit.

Lib. XIII. De Achillis armis Ajax et Ulysses contendunt: ac illius quidem, sua ipsius manu interfecti, sanguis in hyacinthum vertitur. Capta jam Troja, Hecuba in Thracia, ubi Polymnestorem excæcavit, fit canis. Ejus infortunium quum Dii omnes deplorarent, Aurora alio luctu tenebatur, Memnonis scilicet filii, cujus e cineribus Memnonides aves prodierunt. Eneas porro profugus ad Anium, cujus filice in columbas erant conversæ, post alià deinceps loca transformationibus clara, in Siciliam delatus est, ubi Scylla, cui Galatea narrat Polyphemi amores Acidisque obitum; quo facto, Glaucus, in Deum marinum mutatus, apparet.

Mox

Lib. XIV. Scyllam Circe mutat in monstrum. Æneas autem in Africam venit, ubi eum Dido excipit. Tandem ut, Pithecusas prætervectus, ubi Cercopes ex hominibus in simias mutati, in Italia appulit, in Caietano litore e Macareo multa de Ulysse atque Circes veneficio comperit, quo etiam Picus rex in picum avem mutatus erat. bellum cum Turno suscipit. Is quum per Venulum peteret auxilium a Diomede, cujus socii in aves erant transformati, repulsam tulit: redeunte Venulo per ea loca, in quibus Appulus pastor quondam in oleastrum conversus erat. Postea Æneæ naves Nymphæ fiunt in prælio, sicut et ex Ardea, urbis incendio deletæ, cineribus ardea avis; atque Eneas in Deum transit. Successerunt huic reges alii, quorum inter cæteros sub Phoca floruit Pomona; quam