a pas à eaus, et voz venistes à ma semonce. Et sur cest mandement et
« par fiance de voz, me sui je venu combatre à eaus. Et voz me volés
<< orres guerpir en champ, por dire que vostre seignor est venus o mes
<< ennemis. Et c'il i est venus, il est venus par son outrage, sanz ce que
<< la guerre amonte de riens à lui. Por quei je n'entents pas que voz por
«< ce me dées guerpir en champ, qui por vostre fiance me sui venus
«< combatre à mes ennemis. Et je voz pri et requier et conjur par la fei
<< que voz me devés, et semons sur quanque voz tenés de mei, que
<< vos ne me guerpissiés en champ, ainz voz venés combatre o mei à
<< mes ennemis. Et voz vos poés bien garder de metre mains el cors de
<< vostre seignor, et ensi poreit escheir que voz li aurées besoin. » A ce,
peut l'ome repondre : « Sire, vos entendés si come il vos plaira, et dirés
«< ce que vos vodrés; mais sachiés que je ne porterai jà armes por voz
<< en champ où celui qui est mon seignor devant vos seit armés de l'autre
part. Car quant je devins vostre home, si i fu sauve sa feauté. Por
quei je ne puis porter armes contre lui por voz. Mais vés si que je
<< vos lais tot le servise que voz deis dou fié que je tiens de voz, mais
« que mon cors ne plus; ne vos ne me poés requerre autre par raison;
«< car je ne voz sui pas tenus de aidier contre lui; et n'entents que faire
«<le puisse sans ma fei mentir. Et por ce que je n'acueil ni ne viaus acueillir
<< la semonce ni le conjurement que voz me avés fait. Et vos di come
« vostre home, sur la fei que je vos dei, come à mon seignor, que ce
<< que je ne vos aide à cest besoin de mon cors, et que je part de cest
champ, n'est que por garder ma fei vers tel, » et le nome,
qui est
<< mon seignor devant vos, et que on ne me puisse de trayson arrester,
« se je portoie armes en champ contre lui. » Et à tant se part et se traie
à une part dou champ. Et se il ensi le fait, je cuit que il fera ce que il
devra vers chascun de ces seignors: car c'il ne le fait ensi, il mentira
sa fei vers son premier seignor, et l'on poreit l'en apeler de trayson,
et son seignor aveir ent dreit par sa court. Et se il ensi le fait, le segont
seignor ne le peut, ce me semble, par raison ataindre de sa fei ni de fei
mentie, ne de défaut de servise.

*

CHAP. CCXX.

Coment le seignor peut et deit semondre et faire semondre ces homes dou servise que il li doivent, et où; et quant il les a semons ou fait semondre, que il deit faire et dire, quant l'home faut dou servise que il deit, après ce que il en a esté semons si come il deit; et quel droit le seignor en deit avoir, et coment il le peut avoir; et se le seignor ne le fait come il deit, quel amende l'ome en deit aveir; et qui est semons dou servise que il deit, et il est essoigniés, coment et par qui il deit contremander s'essoine.

Se le seignor a besoin dou servise de toz ces homes ou d'aucun d'iaus, il les peut, si come est devant dit, semondre ou faire semondre. Et il meismes les peut semondre. Et c'il meismes fait la sèmonce, il la deit faire devant deus de ces homes ou plus, por ce que il ait recort de court, se mestier li est. Et quant le seignor semont son home, il deit dire à celui

que il semont : « Je voz semons de tel chose, en tel manierė, » et de dire de quei et coment il le semont, et où il le semont; et face la semonce en la manière après devisiéc. Et quant il l'aura faite, traire à garanz ciaus de ces homes qui là seront où il fait la semonce. Et se il la fait faire par treis de ces homes, l'un en leuc de lui et les deus come court, die celui qui est establi en leuc dou seignor à celui que il viaut semondre : « Je voz se<< mons de par mon seignor tel, » et le nome, « que voz soiez à tel jor, en << tel lieu, » et die lejor et nome le leuc, aprestés de tel servise faire «< comme voz devés à mon seignor: et aiés ce que besoin voz est à demeurer là jusque à tel terme, » et die le terme, « et seés à comandement de tel, » et le nome, « que mon seignor a establi à estre là en son leuc. » Et se le besoin est hastif, le seignor peut bien faire semondre à orre moutie ou à moveir maintenant, selonc ce qu'il en aura besoing. Et se il le viaut ensi semondre, le semoneor le deit semondre si come est devant dit, mais que tant que il li die l'orre à quei il le semont et le leuc. Et se le seignor le fait semondre par banier, le banier deit faire la semonce en la maniere devant devisiée. Et se aucnn des homes dou seignor défaut dou servise de quei il a esté semons en la maniere devant ditte, par le seignor ou par home en leuc ou par banier, et le seignor en vueille aveir dreit, le banier en deit estre creu c'il dit qu'il l'a semons, se celui ne dit, par la fei qu'il deit au signor, que le banier ne le semonst de celle semonce si come il dit; et à tant en est quitte: ou se non, il pert son fié, tant come il est devisié en cest livre que l'on pert son fié par défaute de servise. Et se le seignor le semont devant deus de ces homes ou plus, ou le fait semondre par treis de ces homes, l'un en leuc de lui et les deus come court, il pert son fié en la manière après ditte; car escondite que le semons face ne li vaut neent, ce il n'esteit essoignies; si qu'il ne peust aler à la semonce, et qu'il a s'essoine faite assaveir au seignor à orre et à tens si come il deit, ou que il l'a contremandée si com il deit a hore et a tens. Et quant le seignor a semous son home ou fait semondre tel par treis de ces homes, si come est avant devisié, en sa personne ou en son hostel ou en son fié, de son servise que il deit, il deit faire retraite en la court à ciaus de ces homes qui ont esté là où la semonce fut faite; et celui qui l'a faite deit retraire en la court coment il a la semonce faite, et les autres le deivent garentir. Et quant il ont ce dit à la court, le seignor deit commander à la court que elle seit bien membrant de celle semonce que la court a recordée; et après que le terme de la semonce est passé, se celui qui a esté semons dou servise que il deit au seignor n'est venuz ou alez là où il estoit semons ou ditte ou mostrée au seignor s'essoine, ou à celui qui est en son leuc, ou contremandée là si come il deit à orre et à tens, le seignor en peut aveir dreit par sa court totes les feis que il vodra. Et se il viaut aveir dreit, si face dire ensi, en la presence de sa court: « Je fis semondre tel en tel maniere, » et die coment, « la quel semonce fut << retraite, en la presence de moi et de ma court, par tels, >> et les nome, qui furent present là où la semonce fut faite. Et celui fut semons n'a << fait ce de quei il fut semons, ne contremandé n'a à ore ne à tens s'essoine « si come il deit, se il ot esscine. Si voz requier, si come je dei, que 33

«

T. IX.

« vos me conoissiez quel dreit je en deis aveir. » Et la court li deit conoistre se cuit que il se peut saisir dou fié de quei il deit le servise de quei il l'a fait semondre, et faire s'ent servir un an et un jor, se il a esté semons en personne; mais se il a esté semons en son hostel ou en son fié, la court deit conoistre que le seignor peut son fié saisir et faire s'ent servir tant que celui qui a esté semons en son hostel ou en son fié, si come est dessuz dit, veigne en la presence de lui et de la court, et li requiert la saisine de son fié, et que le seignor li deit maintenant rendre la saisine de son fié, quand il la requerra dou defau dou servise, se celui est defailli dou servise, si come est avant dit, requierre la saisine de son fié. Et quant le seignor. l'aura saisi de ce dont il ot la saisine, si come est avant dit, le seignor se peut maintenant, se il viaut, clamer de lui de ce que il li est defailli de servise, de quei il le fist semondre en la maniere avant ditte. Et quant il se clamera, celui de qui il se claime n'aura pas jor à cel claim. Et se il née que il n'est defailli de servise, le seignor le doit prover par le recort de la court; et se il le preuve ensi, la court deit esgarder que il se peut ressaisir de son fié et faire s'ent servir un an et jor. Et por ce qu'il est plus seure chose au seignor, quant il a semons devant deus de ces homes ou plus, ou fait semondre par treis de ces homes come cort, aucun de ces homes, et il est defailli de servise, que il face la semonce retraire en la court à ciaus de ces homes qui furent là où il le semonst ou as devanz dis homes; que se il se claisme et la semonce a esté retraite, ciaus de la court sont certains que la semonce a esté faite, si pevent et deivent les garens faire si come est devant dit. Mais se le seignor ne fait la semonce retraire en la court as avans dis, et dit que il a fait semondre tel son home, et le nome, si come il deit, et il est defailli de servise, et requiert à la court elle li conoist quel dreit il en deit aveir, la court deit conoistre, ce me semble, que se il est ensi come il dit, que il se peut saisir de son fié et faire s'ent servir an et jor, ou tant que celui que il dit qui li est defailli de servise li requiert la saisine de son fié, selonc ce que la semonce aura esté faite à son cors ou à son fié ou en sa maison. Et quant celui que le seignor a dit qui li est défailli de service, et de qui fié il est saisi en la ditte maniere, vient en la court et requiert la saisine de son fié et l'a, et le seignor se claime, à lui si come est avant dit, et il née que le seignor ne l'a fait semondre si come il a dit, ne que il ne li est defailli de son servise que il li deit, et le seignor ne le peut prover par recort de court, ce est assaveir de ciaus siens homes devant qui il fut semons, celui ne sera pas ataint de defaut de servise. Et qui se claime dou seignor de ce que il aura mis main en son fié autrement que il ne deit, et que il en viaut aveir tel amende come la court conoistra que il aveir en dée, la court conoistra, se cuit, que il deit estre quitte vers le seignor tote sa vie de la fei et dou servise que il li deit de cel fié, et que le seignor n'est mie quitte vers lui de la soe fei. Et por ce ais ge dit devant que le seignor deit faire retraire à sa court la semonce à ciaus treis de ces homes, si come il l'ont faite, ou à ciaus qui furent là où il le semonst, que ce il le fait ensi, il est hors de celui devant dit perill. Et se le seignor fait semondre ces homes par banier ou par treis de ces homes

come court, d'aler à court et il n'i vont, il sont défailli de servise, se il ne sont essoignés et il ne facent assaveir leur essoine as treis homes ou au banier. Et se il vont en la court par la semonce dessus ditte, celui qui se partira de la court de son seignor sanz son congié, tant come elle se tendra à celle feis, sera defaillant de servise: car ce est un preupre servise que toz ciaus qui deivent servise au seignor de leur cors li deivent; que se il tel servise ne li deussent, et les autres qui sont devant devisiés en cest livre, il ne poreit tenir cort ne faire dreit ni justice à ciaus qui la li requeroient. Et por ce sont les dits servises establis, que il peust ces homes destraindre de venir à court et démorer y et des avant dites choses faire, por les plais et les corelles oyr et jugier: car court ne vodreit, në plais ne seroient oyr, se le seignor ne poeit ces home destraindre d'estre y et faire en la court les avant dittes choses, que le seignor ne peut jugement faire ne estre au jugement. Et se le seignor semont ou fait semondre aucun de ces homes dou servise que il li deit, et il ne le fait en la maniere avant ditte, et il en défaut, et le seignor en viaut aveir dreit, il le deit faire en la maniere avant ditte. Et se le seignor fait semondre aucun de ces home qui seit essoigniés, il li deit faire assaveir son essoine, et dire ensi à celui qui le semont : « Je ai tel essoine, » et die quel, «< por « quei je ne viaus accuillir cest semonce, se court n'esgarde ou conoisse « que je acuillir la deie: et de mon essoine et de mon respons voz trais ge << à garanz, »>

Comment et où et par qui le seignor deit faire semondre, feme qui tient fiè qui li deit servise de cors, de prendre baron; et quand la feme est semonce si come elle deit de prendre baron et ne le prent, quel amende le seignor en deit aveir.

Quand le seignor viaut semondre, ou faire semondre si come il deit, feme de prendre baron quant elle a et tient fié qui li deie servise de cors, ou à damoiselle à qui fié est escheu qui li deit servise de cors, il li deit offrir treis barons, et tels que il seient à li oferans de parage ou à son autre baron, et la deit semondre en la presence de deus des homes ou de plus, ou faire la semondre par treis de ces homes, l'un en son leuc et les deus come court. Et celui qu'il a establi en son leuc à ce faire, deit dire ensi « Dame, je vos euffre, de par mon seignor tel, >> et le nome, << treis barons, tel, et tel, et tel, » et les nome, « et voz semons, de << par mon seignor tel, » et le nome, « que voz, dedenz tel jor, » et il moutisse le jor, « aiés pris à baron l'un de treis que je vos ai només : et << de ce trais ge à garant ces homes de mon seignor qui sont si come court. » Et ensi le die en leur presence treis feis. Et se le seignor la semont, se li euffre treis barons, et la semone en la manière avant dite; et se on ne

treuve ou semond re ensa pers one, on la deit semondre en son ostel ou en son fié, ou en l'ostel où elle fut dereinement, se elle n'a ostel sien en quei elle maigne. Et qui la vodra semondre en un des dis leus, sile face si come est devisié devant en cest livre que l'on semont l'ome de son servise en son ostel, disant les paroles avant devisiées que l'on deit dire ou semondre de la feme. Et quand feme est ensi semonce, et elle ne prent el dit terme l'un des treis barons que l'on li a offers et de quoi l'on la semonce d'espouser l'un d'iaus, ou elle vient, dedens le jor qui li est donné à barons prendre, devant le seignor c'elle le treuve, et die raison pour quei elle ne vueille sa semonce acuillir et tel que court l'esgarde ou conoisse, ou celle ne treuve le seignor en sa court, qu'elle le die en la presence de deus homes de la court ou de plus, qu'elle estoit là venue où elle cuidoit trover le seignor, et que c'elle l'eust trové elle eust ditte raison por quei elle n'entent quelle deie sa semonce acuillir de prendre baron si come il l'a faite semondre, et que de ce trait elle la cour à garant, et lor prie et requiert qu'il en seient recordant dou jor qu'elle est là venue et des parolles qu'elle a dittes, si qu'il les puissent recorder en la court, se mestier li est. Ou c'elle est essoignée dedens les jors de la semonce, que elle face assaveir au seignor son essoine par tel qui li euffre, en la presence de deus de ces homes ou de plus, à certifier ce qu'il est son message, et qui elle li a enchargié ce que il a dit por lui et qu'elle a mandé faire assaveir son essoine par message, et que le message deit dire : « Sire, «<< tel, » et la nome, « voz fait assaveir par moi que elle est si essoigniée, qu'elle ne peut venir devant voz respondre voz de vostre semonce,

et

« dire vos por quei elle ne li deit faire; » ou dire qu'elle est si essoignée, qu'elle ne peut faire ce de quei il la semonce, et dire ce por quei << elle ne le peut faire. « Sire, et se vos mescreés que je ne sée son mes«<sage et quelle ne m'ait enchargié ce que je ais por lui dit, je en euffre « à faire ce que la court esgardera ou conoistra que je en dée faire. » Et se le seignor l'en mescroit, il deit comander à la court qu'elle li conoisse qu'il en deit faire. Et la court deit conoistre, ce me semble, qu'il deit jurer sur sains que il est son message, et qu'elle li a enchargié à dire ce qu'il a dit por li. Et se il le fait, il deit bien estre creus, et elle a bien contremandé son essoine si come elle deit. Et c'il ne fait ce que la court aura coneu, elle n'aura mie contremandé son essoine si come elle deit : si sera defaillant au seignor dou servise que elle li deit de sei marier à sa semonce. Que celui qui se fait message en court d'ome ou de feme qui a esté semons de servise ou de venir faire dreit, n'en euffre à faire ce qui est devant dit et ne le fait, ne deit estre creus ne tenus à message. Et c'elle ne vient dedens ledit terme en la court devant le seignor, et elle ne dit ou faire dire chose par quei court esgarde ou conoisse qu'elle n'est tenue d'acuillir la semonce de quei le seignor l'aura faite semondre, elle sera defaillant dou servise qu'elle déit au seignor : si en pora le seignor aveir dreit et amende d'elle, se il viaut, si come de defaut de servise de baron prendre. Et c'elle fait assaveir au seignor son essoine, si come est devant dit, et le terme de la semonce passé, le seignor la deit faire semondre de rechief si come est devant devisié. Et se la feme qui est semonce