Imatges de pàgina
PDF
EPUB
[ocr errors]

"

[ocr errors]

seignor faut à aucun d'iaus de faire li dreit par sa court, ou ne li tient ou fait tenir ce que sa court a esgardé ou coneu ou recordé, ou le dessaisist de son fié sans esgart ou sanz conoissance de court, et celui à qui l'on a fait aucune des dittes choses le mostre au chief seignor, et li requiert que il à son seignor li face faire dreit par sa court, ou che il li face à son seignor tenir ou faire tenir ce que sa court a esgardé ou coneu ou recordé, ou le face metre en la saisine de son fié de quei il l'a dessaisi sanz esgart ou sanz conoissance de court, le chief seignor deit faire celui venir devant lui à sa court; et quant il i sera, il li deit dire : «< Tel, votre home » et le nome,» m'a tel chose dite, » et die ce que celui li a dit : « Si voz << comanz si destreitement comme je puis et doi, que voz li faites droit <«< par votre court, si comme voz devés, dedans quarante jors. » Se il li défaut de droit faire par sa court, et se ce est d'esgart, ou de conoissance ou de recort que il ne li fait faire, si come la court l'a esgardé ou coneu ou recordé. « Si voz comans, come à mon home, si destreitement come je puis et doi, que voz li fasciés ou faites faire ce que votre court a esgardé ou coneu ou recordé dedenz quarante jors, et de ce voz semons je en la presence de mes homes et de ma court qui si est, et les en trai «à garant. » Et se celui à qui le seignor aura fait ledit comandement et qu'il aura ensi semons come est avant dit, ne le fait dedens le terme ou ne dit raison por quei il ne le deit faire et tel que court l'esgardera ou conoistra, et se celui à qui il a fait aucunes des dittes choses revient devant le chief seignor, et li mostre que son seignor ne li a fait ce que il li comanda et de quei il le semonst, ne n'a dit chose par quei court ait esgardé ou coneu que il ne li deive faire, si li prie et requiert, come a celui qui est le chef seignor dou reiaume de Jerusalem, que il li en face ce que il doit par l'assise ou l'usage dou reiaume de Jerusalem, le seignor deit mander querre son home, et dire il en sa court ce que le sien home li a dit; et se il le conoist et ne mostre par les homes de la soe cort que il seit autrement que celui ne li a fait assaveir, et ensi que il li fait ce que le seignor li comande, le chief seignor le deit dès lors en avant faire remetre en saisine de ce de son fié de quei son seignor l'aveit dessaisi sans esgart et sans conoissance de court, et maintenir le tant que il voudra dreit faire à son seignor par sa court. Et se il li a defailli de faire ce que sa cort a esgardé ou coneu ou recordé, et il, dedenz quarante jors, n'a fait à son home ce que sa court a esgardé ou coneu ou recordé, et que le seignor li a commandé et de quei il l'a semons, si comme est avant dit, il deit perdre sa court à sa vie, se le seignor le viaut mener à ce qu'il pora par sa court; por ce, ce me semble, que il est assise ou usage que le seignor deit tenir et faire tenir les esgars et les conoissances et les recors que sa court fera, et por ce que le chief seignor est tenus par son sairement de tenir et faire tenir en sa seigneurie les assises et usages de son reiaume, me semble il que puisque son home qui a la court dou don de lui et de son ancêtre n'en euvre si come il deit par l'assise ou l'usage du reiaume, que il la deit perdre, et que le seignor li peut tolir à sa vie, ce il viaut, par la conoissance de sa court, se il requiert à sa court que elle li conoist quel dreit en deit aveir. Et, après ce qu'il aura les avans dis errements retrais ou fait retraire en

sa court, que il ne me semble que celui qui sera defaillant de l'avant dite semonce puisse chose dire par quei la court ne conoisse que il ne deit plus aveir court en sa seignorie à sa vie et après le comandement et la semonce du chief seignor, puisqu'il a défailli à son home de faire li dreit par sa court ou de faire li ce que sa court a esgardé ou coneu ou recordé.

CHAP. CCI.

Si esclarsisse coment toz les homes des homes du chief seignor sont, par la dite assise, tenus les uns as autres, si comme est devant dit ; et coment il se deivent aider et conseillier.

Toz les homes doudit reiaume sont par laditte assise tenus les uns a autres, si come est avant dit, et en tel maniere que se leur seignor me ou fait metre main el cors ou el fié d'aucun d'iaus sans esgart ou sans conoissance de sa court, que toz les autres homes deivent venir devant leur seignor, se il a son home aresté ou fait arester sans esgart ou sans conoissance de court, et le tient ou fait tenir en prison, et se aucun des parens ou des autres amis de celui qui est aresté les requiert de par lui que eaus le facent delivrer, et que il en euffre à faire dreit par eaus comme par ces pers, il deivent toz venir devant le seignor, et dire li: « Sire, nos avons en<< tendu que voz tel nostre per avez aresté ; si voz prions et requerons si << destreitement come voz poons, que se il est aresté en votre poeir, que << voz le faites delivrer sans delai, et que voz le menés par l'esgart de << votre court. » Et se le seignor le fait delivrer, tant come celui qui aura esté aresté vodra faire dreit par ces pers, il le deivent maintenir à droit comme leur per. Et se le seignor ne le fait delivrer à leur requeste, ou ne dit chose par quei il ne le deit faire et tel que court l'esgarde ou conoisse, tos les homes ensemble doivent aler là où il savent que il est aresté, et delivrer le à force ou autrement, se le cors de leur seignor ne lor défent as armes, contre lequel il ne peuvent ni ne deivent porter armes ne faire chose à force, et dire li que tout come il vodra faire droit par ces pers, que il le maintiendront come leur per. Et se le seignor le defent contre eaus as armes ou autrement à force, il li deivent dire : « Sire, << voz estes nostre seignor, ne contre vostre cors noz ne porteremes armes, << ni ne feriens chose à force. Et puisque voz noz defendés à force à « delivrer nostre per qui est pris et emprisoné sanz esgart ne sanz co<< noissance de court, noz voz gaions toz ensemble et chacun par sei dou << servise que noz voz devons tant que voz aiés nostre per tel delivré ou << fait delivrer, ou dite raison por quei voz ne le devés faire, et tel que « court l'esgarde ou conoisse. >>

CHAP. CCII.

Se le fié d'aucun des homes est aresté par le seignor sans esgart ou sans conoissance de court, coment celui qui est aresté le peut destraindre par l'esconjurement de ces pers.

Et se le seignor a le fié d'aucun d'iaus aresté ou fait arester sans esgart ou conoissance de court, celui de qui le fié est ensi aresté deit assem

[ocr errors]
[ocr errors]

bler tant de ces pers come il porra, et dire leur et mostrer coment leur seignor et le sien a son fié aresté sans conoissance de court; si lor prie et requiert et conjure, come a ses pers que il li facent son fié rendre, ou que il se portent vers lui si come il deivent come vers leur per, et bien euffre à faire droit par eaus, come par ces pers, quant il aura son fié. Et lors toz ensemble et chacun par sei deivent venir devant le seignor, et dire li Sire, nostre per tel, >> et le noment, << noz a tel chose ditte et nos a ensi requis et conjuré, » et dire li coment. « Si vos prions et requerons que « voz à nostre per tel rendés sans delai son fié, et le remetez ou faites re« metre en saisine; et se voz après li savez que demander, que voz li « demandés par vostre court, et que vos vos le menés par vostre court. << Et se voz ne le faites, nos ne porons muer que noz ne fassieens vers lui «< ce que noz devons. » Et se le seignor ne le fait, et il en requiert ces pers qui li doignent force et poeir de remetre se en sa saisine, il le deivent faire et metre le en sa saisine par force ou autrement, et maintenir le contre toz homes, mais que contre le cors dou seignor ou d'autre home à qui il seent tenus de fei. Et se le seignor lor defent as armes ou autrement que en dit, et il est là present, il li deivent dire : « Sire, voz estes nostre seignor, et << contre voz ne porterons nos mie armes ne forsegerons tant come voz «< serez present, mais contre toz autres que voz feriens noz nostre leau pooir de remetre nostre per en saisine de son fié, et maintenir le en «sa saisine tant come il vodra faire droit. Et puisque ensi est que voz, qui estes nostre seignor, et contre qui noz ne poons porter armes ne « faire chose à force là où vostre cors est, et nos defendés à force que nos <<ne melons nostre per en saisine de ce de quei il a esté dessaisi sans es<«<gart et sans conoissance de cort, nós toz ensemble et chascun par sei « voz gaions dou servise que noz vos devons, tant que vos aiéz rendu « à nostre per tel, » et le moment, «< son fié, ou dite raison por quei vos « ne le devez faire, et tel que court l'esgarde ou conoisse.» Et après il ne li deivent faire servise ne chose que il lor comande, tant qu'il ait fait ce qu'il li ont requis.

"

[ocr errors]

CHAP. CCIII

Se le seignor faut à aucun de ces homes de faire li faire, si come il deit esgart ou conoissance ou recort de court, ou ce que court a esgardé ou coneu ou recordé, ou aucune autre chose le seignor ne li tient ou ne li fait tenir, et celui à qui le seignor faudra d'aucune des avant dittes choses, requerra ces pers que il facent vers lui ce que il doivent, il deivent leur scignor requerre que il le face, ou gagier le de leur servise en la maniere avant ditte, tant qu'il l'ait fait.

Se le seignor faut de paier si come il deit à aucun de ces homes de son fié, et celui li requiert sa paie, et après le semont si come il deit par les termes qui sont establis à co, et il ne le paie par les dits termes; se celui qui aura son seignor ensi semons, si come il deit, de aveir sa paie et ne l'aura cue, requiert et conjure ces pers, si come il deit, que il le facent paier de ce que son seignor li deit de son fié, les homes en deivent faire ce qui est après devisié en cest livre qu'il deivent faire quant tel cas avient.

Et je qui ais fait cest livre, ai vu pluisors des avant dittes causes faire en la haute cour dou reiaume de Jerusalem, et aucunes en celle de Chypre; et aucunes aie oy dire à pluisors sages homes de mon tens. Car au tens que l'empereor Federic teneit le bailliage du reiaume de Jerusalem fut fait à mon seignor mon oncle le vieill seignor Barut, et au seignor de Cesaire, mon cosin, et à moi et au seignor de Kayphas, messire Rohart, et à sire Phelippe l'Asne et à sire Johan Moriau, que nos pers à nostre requeste nos donarent force de nos ressaisir de nos fiés, de quei le seignor de Seete, mesire Baleem, qui estoit baill de l'empereor Federic, nos aveit dessaisi de nos fiés sans esgart et sans conoissance de court, par le comandement que ledit empereor li fist. Et vis et oys as homes doudit reiaume, ledit seignor de Seete, qui estoit baill doudit empereor, por ce que il ne teneit ni ne faiseit tenir à la princesse Aalis, qui fut mere du prince Rupin, ce que la haute cour doudit reiaume aveit esgardé dou plait qui estoit entre li et les freres de l'hospitau des Alemans de la seignorie dou Thoron, laquel elle desraina vers eaus par l'esgart de la haute court doudit reiaume; ne por ce que ledit seignor de Seete diseit que il ne se poeit de cel fait entremetre, que l'empereor li aveit mandé desfendant qu'il ne s'entremeist de cel fait, et mostreit le comandement qu'il en aveit eu par lettres de l'empereor, ne remest mie que les homes doudit reiaume, à la requeste de ladite princesse, ne le gaiacent dou servise que il deveint au dit empereor, tant qu'il eust fait à ladite princesse ce que la court avait esgardé. Et après, par le gré et l'otrei de la dite princesse et desdis homes, il se relaissierent de cel gagement, et retournerent audit servise que il deveint audit empereor. En Chipre, au tens le roi Henri, vi ge, à la requeste mesire Phelippe de Gibelet, à qui le rei deveit de son fié, et que le terme de sa paie estoit passé, et que il aveit sa paie requise au seignor pluisors feis, en court et fors court, et après semons par les treis quinsaines et les treis quarantaines, qui sont establies à son seignor semondre de faire le paier de son fié, et que elles estoient passées, et toz les termes qui sont establis que l'on deit son seignor atendre de sa paie par l'assise, que toz les homes qui là furent vindrent devant le rei, et li prierent et requistrent qu'il feist paier ledit Phelippe de ce que il li deveit de son fié ou paiast ou feist faire son gré, et que le rei le fist et ne vout atendre que l'on le gaiast, si come l'on deit faire par l'assise, aiuz li fist maintenant son gré de ce que il li deveit. Et lor ledit Phelippe mercia les homes liges, et lor dist que le rei avoit tant fait de sa paye que il s'en teneit apaić : et parce demorra que les homes ne gagierent le roi de leur servise.

CHAP. CCV.

Si le seignor congée son home de sa seignorie sans esgart ou sans conoissance de la court de là où il est son home, que l'home qui est ainsi congéé deit dire et requerre à son seignor et quei à ces pers, et que ces pers deivent dire et faire.

Se il avient que un seignor de sa volonté congée un de ces homes de sa seignorie, sans que il l'ait ataint des choses par quei il le face congéer par

esgart ou par conoissance de court, il me semble que il deit dire au seignor et en la présence de partie de ces homes : « Sire, je suis votre home, «<et apresté sui de dreit faire en votre court, se voz ou autre me savez « que demander; et tant come je sui dreit offrant par votre court, voz « prie je et requier et conjur come à mon seignor, que voz ne me congéés « de votre terre, ni ne viaus que voz le fassiés, se vostre court ne conut «que vos faire le dées, et, de ce voz requier je l'esgart ou la conoissance « de la cour. » Et mete son retenaill. Et se le seignor ne se sueffre por tant de lui congéer, ne cel esgart ne celle conoissance ne li fait faire, il deit venir à ces pers, et leur deit dire : Seignors, mon seignor et le << vostre m'a congéé de sa seignorie sur ce que je li ais offert à faire dreit << par sa court, et esgart ou conoissance li en ais requis, >>> et dire li comment illi a requis, « ne il l'esgart ne la conoissance ne me viaut « faire, ne de mei congéer ne se sueffre. Por quei je voz prie et requier << et conjur, come mes pers, que voz aillés à mon seignor, et li priés et « requerés qu'il ne me congée de sa seignorie tant comme je vodrai faire << dreit par sa court, come celui qui euffre à faire dreit par voz, qui mes « pers estez, à lui ou à aucun qui viens me saura que demander, et ce li «euffrés de par mei; et tant come je euffre à faire dreit par mes pers, je n'entens que il me puisse ne dée par raison congéer de sa seignorie. << Por quei je voz pri et requier et conjur, comme à mes pers, que voz << ne me soufrés si à surmener, tant come je euffre dreit à faire par voz, << ainz me maintenés, si come vos devés, come vostre per. » Et à mei semble que, après ce toz les homes deivent venir devant le seignor, et dire li« Sire, tel votre home, » et le noment', « est venu à noz, << et nos a dit que voz l'avez congéé de votre seignorie sur dreit offrant; «<et dit que il voz a offert à faire dreit par ces pers en votre court, et à « nos meismes l'a il offert, et prié et requis que noz le voz offrons de « par lui et noz le vos offrons de par lui; et noz a conjuré que noz le << fassions tenir à dreit par l'esgart de la court, ou que noz le mainte<< nons si comme noz devons come nostre per. Por quei noz voz prions <«<et requerons, come le nostre seignor, que voz nostre per tel tenez à << dreit, et menés par l'esgart de votre court, et li faites faire l'esgart « que il voz a requis, ou que vos vos sueffrés de lui congéer de vostre seignorie, tant que voz li aiés fait faire l'esgart que il voz a requis, ou

[ocr errors]

"

"

<< ditte raison par quei voz ne li devés faire et tele que vostre court l'esgarde ou conoisse. Et se voz ce ne faites, noz toz ensemble, et chas«< cun par sei, vos gaions dou servise que noz voz devons; et bien sa<< chiez que tant come il vodra faire dreit en vostre court par ces pers, << noz ne soufririens que voz le surmenés, ainz le maindrons a dreit si « come noz devons. » Et se le seignor li viaut après ce mau faire, il le deivent aider et défendre contre totes genz, sauf le cors dou seignor, tant come il vodra dreit faire par ces pers.

CHAP. CCVI.

Coment et de quei l'home ment sa fei vers son seignor, et coment et de quei le seignor ment sa fei vers son home; et coment l'un peu atain

« AnteriorContinua »