Imatges de pàgina
PDF

Nam sibi quòd numquam tactam Briseida jurat,
Per sceptrum ; sceptrum non putat esse Deos.
Di faciant, dominæ possis transire relictæ
Limina; proposito sufficiantque pedes.
IEt poteris: modò velle tene. Nunc fortiter ire,
Nunc opus est celeri subdere calcar equo.
Illo Lotophagos, illo Siremas in antro
Esse puta: remis adjice vela tuis. 79O
Hunc quoque, quo quondam nimiùm rivale dolebas,
Vellem desineres hostis habere loco.
At certè, quamvis odio remanente, saluta.
Oscula cùm poteris jam dare ; samus eris.
Ecce cibos etiam (medicinæ fungar ut omni
Munere) quos fugias, quosve sequare, dabo.
IDaunius, am Libycis bulbus tibi missus ab oris,
An veniat Megaris, noxius omnis erit.
Nec minùs erucas aptum vitare salaces;
Et quidquid Veneri corpora nostra parat. 800
Utiliùs sumas acuentes lumina rutas ;
Et quidquid Veneri corpora nostra negat.
Quid tibi præcipiam de Bacchi munere, quæris?
Spe breviùs monitis expediere meis.
Vina parant animum Veneri, nisi plurima sumas,
Et stupeant multo corda sepulta mero.
Nutritur vento, vento restinguitur ignis.
Lemis alit flammam, grandior aura necat.
Aut nulla ebrietas, aut tanta sit, ut tibi curas
Eripiat: si qua est inter utramque, nocet. 81o
Hoc ópus exegi. Fessæ date serta carinæ.
Contigimus portum, quò mihi cursus erat.
Postmodo reddetis sacro pia vota poëtæ,
£armine sanati femina virque meo.

AEMEDIORUM AMORUM FINIS·

MEDICAMINA
F A C I E I.

FRAGMENTUM.

DiscITe, quæ faciem commendet cura, puellæ : Et quo sit vobis forma tuenda modo. Cultus humum sterilem Cerealia pendere jussit Munera: mordaces interiere rubi. Cultus et in pomis suceos emendat acerbos É Fissaque adoptivas accipit arbor opes. Culta placent. Auro sublimia tecta limuntur: Nigra sub imposito marmore terra latet. Vellera saepe eadem Tyrio medicantur aëno: Sectile deliciis India præbet ebur. 10 Forsitam antiquæ, Tatio sub rege, Sabinæ Maluerint, quàm se, rura paterna coli. Cùm matrona, premens altum rubieumda sedile, Adsiduo durum pollice nebat opus. Ipsaque claudebat, quos filia paverat, agnos: Ipsa dabat virgas cæsaque ligna foco. At vestræ teneras matres peperere puellas. Vultis inauratâ corpora veste tegi. Vultis odoratos positu variare capillos : Conspicuam gemmis vultis habere manum. 20 , Induitis collo lapides Oriente paratos:* Et quantos oneri est aure tulisse duos. . Nec tamen indignum, si vobis cura placendi, Cùm comtos habeant secula nostra viros. Femineâ vestri poliuntur lege mariti : Et vix ad cultus nupta, quod addat, habet.

Proin se quaeque parent ; nec quo venentur amores,
Refert. Mumditiæ crimina mulla merent.
Rure latent, finguntque comas. Licèt arduus illas
Celet Athos; cultas altus habebit Athos. 3O
Est etiam placuisse sibi quotacumque voluptas :
Virginibus cordi grataque forma sua est.
Laudatas homini volucris Junonia pennas
Explicat; et formâ muta superbit avis.
Sic potiùs nos uret amor; quàm fortibus herbis,
Quas maga terribili subsecat arte mamus.
Nec vos graminibus, nec mixto credite succo.
Nec tentate nocens virus amantis equæ.
Nec mediæ Marsis finduntur cantibus amgues:
Nec redit in fontes unda supina suos. 4O
Et quamvis aliquis Temesæa removerit æra;
Numquam Luna suis excutietur equis.
Prima sit in vobis morum tutela, puellæ :
Ingenio facies conciliante placet.
Certus amor morum est: formam populabitur ætas,
Et placitus rugis vultus aratus erit.
Tempus erit, quò vos speculum vidisse pigebit,
Et veniet rugis alterâ caussa, dolor.
Sufficit, et longum probitas perdurat in aevum;
Fertque suos annos: hinc bene pendet amor. 50
IDisce age, cùm teneros somnus dimiserit artus,
Candida quo possint ora mitere modo.
Hordea, quæ Libyci ratibus misère coloni,
Exue de paleâ tegminibusque suis.
Par ervi memsura decem madefiat ab ovis :
Sed cumulent libras ordea nuda duas.
Haec ubi ventosas fuerint siccata per auras;
Lenta jube scabrâ frangat asella molâ.
Et, quæ prima cadunt vivaci cormua cervo,
Contere : in hæc solidi sexta face assis eat. 60
Jamque ubi pulvereæ fuerint confusa farinæ,
Protinus im cribris omnia cerme cavis.
Adjice Narcissi bis sex sine cortice bulbos,
Strenua quos puro marmore dextra terat ;

Sextantemque trahat gummi cum semine Thusco,
Huc movies tanto plus tibi mellis eat.
Quæcumque adficiet tali medicamine vultum;
Fulgebit speculo levior ipsa suo.
Nec tu pallentes dubita torrere lupinos,
Et simul inflantes corpora frige fabas. 7O
Utraque sex habeant, aequo discrimine, libras:
Utraque da nigris comminuenda molis.
Nec cerussa tibi, nec nitri spuma rubentis
Desit, et Illyricâ quæ venit iris humo.
Da validis juvenum pariter subigenda lacertis:
Sed justum tritis uncia pondus erit.
Addita de querulo volucrum medicamima mido
Ore fugant maculas: Halcyonea vocant.
Pondere, si quæris, quo sim contentus in illis;
Quod trahit in partes uncia sexta duas. 8O
Ut coëant, aptéque lini per corpora possint,
Adjice de flavis Attica mella favis.
Quamvis tura Deos, irataque numina placent;
Non tamen accensis omnia danda focis.
Tus ubi miscueris radenti tubera nitro;
Ponderibus justis fac sit utrimque triens.
Parte minus quartâ dereptum cortice gummi,
* Et modicum è myrrhis pinguibus adde cubum.
Hæc ubi contriris, per demsa foramina cerne:
Pulvis ab infuso melle premendus erit. 9O
Profuit et marathros bene olentibus addere myrrhis;
Quinque trahant marathri scrupula, myrrha novem.
Arentisque rosæ quantum manus una prehendat,
Cumque Ammoniaco mascula tura sale.
Hordea quem faciunt illis adfunde cremorem.
Æquent expensas cum sale tura rosas.
Tempore sis parvo molles licèt illita vultus;
Hærebit toto multus in ore color.
Vidi quæ gelidâ madefacta papavera lymphâ
Contereret, teneris illineretque genis. 1OO
* * * * * * * *

[ocr errors][merged small][merged small]

AccEPiT mundus legem : dedit arma per omnes,
Admonuitque sui. Vitulus sic namque minatur,
Qui nondum gerit in tenerâ jam cornua fronte:
Sic damæ fugiunt, pugnant virtute leones.
Et morsu canis, et caudæ sic scorpios ictu :
Concussisque levis pennis sic evolat ales.
Omnibus ignotæ mortis timor, omnibus hostem,
Præsidiumque datum sentire, et noscere teli
Vimque modumque sui: sic et Scarus arte sub umdis,
Incidit, adsumtamque dolortandem pavet escam. 1o
Non audet radiis obnixâ occurrere fronte,
Aversus crebro vimem sed verbere caudæ
Laxans subsequitur, tutumque evadit in æquor.
Quin etiam si fortè aliquis, dum ponè nataret,
IMitis luctamtem Scarus humc im vimine vidit,
Aversam caudam morsu temet: atque ita *
* Uber servato, quem texit, in * resultet.
Sepia tarda fugæ, tenui cùm fortè sub undâ
Deprensa est, jam jamque manus timet illa rapaces,
Inficiens æquor nigrum vomit ore cruorem, 2O
Avertitque vias, oculos frustrata sequentes.
Clausus rete Lupus, quamvis immanis et acer,
Dimotis caudâ submissus sidit arenis.
. . . . . • • • • • • • • • • in auras
Emicat, atque dolos saltu deludit inultus:

[ocr errors]
« AnteriorContinua »